متھرا (جیوڈیسک) بھارتی صدر پرناب مکھرجی کو متھرا شہر کے شرارتی بندروں سے بچانے کے لیے لنگوروں کی فوج تیار کرلی گئی۔ بھارتی صدر کل متھرا شہر کے بانکے بہاری مندر جائیں گے جہاں بندروں کی بہتات ہے۔
شرارتی بندر ہر آنے جانے والے کی عینک چھین لیتے ہیں ، پرناب مکھرجی کو ان بندروں سے بچانے کے لیے متھرا شہر کی انتظامیہ نے دس لنگوروں پر مشتمل ایک چھوٹی سی فوج تیار کی ہے۔
صدر پرناب مکھرجی کا قافلہ جس راستے سے بھی گزرے گا اس پر یہ لنگور پورا دن تعینات رہیں گے۔ اب دیکھنا یہ ہے کہ لنگور بندروں سے پرناب مکھرجی کی عینک بچا پائیں گے یا نہیں۔
