ٹریڈ ڈویلپمنٹ اتھارٹی نے سابقہ دور حکومت میں بھرتی کردہ اننچاس ملازمین کو مستقل کرنے سے انکار کردیا۔ ٹی ڈی اے پی کی سیکریٹری رابعہ جویری نے کہا ہے کہ سابق وزیر تجارت کے اعلان کردہ اننچاس ملازمین کو مستقل کرنے کے پابند نہیں ہیں۔ اِدھر آم کو پروسیس کرکے برآمد کرنے کی لئے جاپان سے ٹریڈ ڈویلپمنٹ اتھارٹی کیلئے منگوایا جانے والا پلانٹ کراچی کی بندرگاہ پر پھنس گیا ہے جس کی وجہ سے دو اگست سے یومیہ بیس ہزار روپے کا ڈیمریج ٹی ڈی اے پی کو ادا کرنا پڑرہا ہے۔
ٹی ڈی اے پی کی سیکریٹری کے مطابق پلانٹ درآمد کرنے کا ٹھیکہ جس کمپنی کو دیا تھا اس کا مالک روپوش ہے۔ ستمبر میں منعقد کی جانے والی ملک کی سب سے بڑی عالمی تجارتی نمائش سے متعلق رابعہ جویری کا کہنا تھا کہ ایکسپو پاکستان کی تیاریاں آخری مراحل میں ہیں۔ اس سال نمائش میں ایک ہزار غیرملکی مندوبین شرکت کریں گے۔
ڈالر کی قیمت کا شاخسانہ: کاروں کی قیمتوں میں اضافہ
کراچی اسٹاک ایکسچینج میں مندی کا رجحان
