کراچی (جیوڈیسک) پاکستان ٹیلی ویژن کے ڈراموں سے شہرت حاصل کرنیوالی نامور اداکارہ سنبل طلعت امریکا کے شہر ٹیکساس (ڈیلس) میں انتقال کر گئیں۔ سنبل طلعت نے پی ٹی وی کے بلیک اینڈ وائٹ دور میں ڈراموں میں کام کا آغاز کیا تھا۔
ان کا پہلا ٹی وی ڈرامہ ’’لیلیٰ مجنوں‘‘ تھا جبکہ ان کے مشہور ڈراموں میں آخری چٹان، شہہ زوری، سورج کا داغ، دوراہا اور گل جاناں قابل ذکر ہیں، اس کے علاوہ انھوں نے دو فلموں ’’آشنا‘‘ اور ’’سنگتراش‘‘ میں بھی مرکزی کردار ادا کیا تھا لیکن فلم سنگتراش ریلیز نہ ہو سکی، اداکارہ سبنل اور اداکار طلعت اقبال کی شادی 1980 میں ہوئی تھی جبکہ دونوں اپنے بچوں کے ہمراہ 1999 میں امریکا منتقل ہوگئے تھے۔
سنبل طلعت کو 6 ماہ قبل کینسر کا مرض تشخیص ہوا تھا جس کا علاج جاری تھا لیکن وہ جانبر نہ ہو سکیں اور گزشتہ روز خالق حقیقی سے جاملیں۔ ان کی تدفین ڈیلس میں کی گئی۔
برطانیہ :30 ویں سالانہ لندن فیشن ویک کا آغاز
پاکستان میں ڈرامہ مزید ترقی کی جانب گامزن ہے، جاوید اختر
