اسلام آباد (جیوڈیسک) جمیعت علمائے اسلام کے امیر مولانا فضل الرحمان نے کہا ہے کہ وزیراعظم شاہد خاقان عباسی کی چیف جسٹس آف پاکستان جسٹس ثاقب نثار سے ملاقات کو متنازع نہ بنایا جائے۔
میڈیا سے گفتگو میں ملاقات کے حوالے سے بات کرتے ہوئے انہوں نے کہا کہ جب بڑے ملتے ہیں تو اس سے مثبت نتائج کی امید رکھنی چاہیے۔
انہوں نے کہا کہ 18ویں ترمیم سے صوبوں کو بااختیار بنانا قومی مطالبہ ہے، ترمیم میں مختلف شعبوں میں عمل درآمد پر رکاوٹیں دور کی جائیں۔
مولانا فضل الرحمان نے کہا کہ صوبوں کے اختیارات کے فلسفے کو تحلیل کرنے کے حق میں نہیں۔
انہوں نے کہا کہ نقیب اللہ محسود کے قتل کے بعد اسلام آباد میں دھرنا دیا گیا، فاٹا سپریم کونسل مطالبات کی منظوری پر عمل کا مطالبہ کرتی ہے۔
ان کا مزید کہنا تھا کہ کونسل نے اپیکس کمیٹی کا اجلاس بلاکر حکمت عملی کا مطالبہ کیا ہے۔
خیبر پختونخوا کے کئی علاقوں میں زلزلے کے جھٹکے
ملالہ یوسفزئی کی ساڑھے 5 سال بعد سوات آمد، آبائی گھر پہنچنے پر آبدیدہ
