لاہور (جیوڈیسک) لندن سے وطن واپسی پر جاتی امراء رائیونڈ میں وزیراعظم نواز شریف سے وفاقی وزیر خزانہ اسحاق ڈار نے ملاقات کی۔
وزیر اعلیٰ شہبازشریف، وفاقی وزیر اطلاعات پرویز رشید اور کابینہ کے ارکان بھی موجود تھے۔ بتایا گیا ہے کہ ملاقات میں وزیر اعظم نے وزیر خزانہ اسحق ڈار کو ہدایت کی ہے کہ وہ اپوزیشن کو ٹی او آرز کے حوالے سے اعتماد میں لیں۔
ملاقات میں وزیر اطلاعات پرویز رشید نے وزیر اعظم کو آزاد کشمیر انتخابات کے حوالے سے بریفنگ دی اور انہیں بتایا کہ آزاد کشمیر میں پیپلز پارٹی حکومت کچھ مشکلات پیدا کر رہی ہے۔ وزیر اعظم نے ہدایت کی کہ انتخابات پر امن ہونے چاہیئے۔
ابرار قتل کیس، 3 پولیس اہلکار انکوائری کمیٹی کے سامنے پیش
بھارتی ہائی کمشنر کی دفتر خارجہ طلبی، مقبوضہ کشمیر میں بھارتی مظالم پر احتجاج
