اسلام آباد (جیوڈیسک) وزیراعظم عمران خان آئندہ ماہ (اکتوبر میں) چین کا دورہ کریں گے، اس حوالے سے حتمی تاریخوں اور ملاقاتوں کا شیڈول فائنل کیا جارہا ہے۔
سعودی عرب کے کامیاب دورے کے بعد وزیرِاعظم عمران خان اب چین کا دورہ کریں گے، اس ضمن میں اکتوبر میں ان کے دورے کا امکان ہے۔ وزیرِاعظم کے ہمراہ اعلی سطح وفد بھی چین جائے گا۔
پاکستانی وفد چین میں کانفرنس میں بھی شرکت کرے گا جبکہ دورے کے دوران سی پیک میں تیزی، معاشی تعاون پر بھی بات ہو گی اور اقتصادی شعبے میں تعاون پر بھی تبادلہ خیال ہو گا۔ دورے کی حتمی تاریخوں اور ملاقاتوں کو حتمی شکل دی جا رہی ہے۔
دورہ سعودی عرب میں سی پیک کے حوالے سے اہم معاملات طے ہونے کے بعد اب دورہ چین میں بہت سے امور میں پیش رفت کا امکان ہے۔ ذرائع کے مطابق عمران خان کے دورے میں سی پیک میں تیزی ،دونوں ممالک کے درمیان معاشی تعاون پر بات چیت ہوگی۔
ذرائع کے مطابق دورے میں اقتصادی شعبے میں تعاون پر بھی تبادلہ خیال ہو گا۔
روہنگیا مسلمانوں پر ظلم، کینیڈا نے آنگ سانگ سوچی کی اعزازی شہریت ختم کر دی
وزیر خارجہ کی اقوام متحدہ سیکریٹری جنرل سے ملاقات، مسئلہ کشمیر پر گفتگو
