اسلام آباد (جیوڈیسک) وزیر اعظم نواز شریف 3 روزہ دورے پر سعودی عرب روانہ ہو گئے، وزیر اعظم ریاض میں امریکا سعودی عرب اسلامی کانفرنس میں شرکت کریں گے ۔ مشیر خارجہ سرتاج عزیز بھی وفد میں شامل ہیں ۔ وزیر اعظم نواز شریف سعودی عرب کے دورے پر روانہ ہوگئے ، مشیر خارجہ سرتاج عزیز بھی ان کے ہمراہ ہیں۔
وزیر اعظم نور خان ایئر بیس سے خصوصی طیارے کے ذریعے ریاض روانہ ہوئے ، وزیر اعظم نواز شریف 21 سے 23 مئی تک سعودی عرب میں قیام کریں گے ، وزیر اعظم ریاض میں امریکا عرب اسلامک سربراہ اجلاس میں شرکت کریں گے۔
سربراہ اجلاس دہشتگردی سے نمٹنے کے لئے شرکا کو مواقع فراہم کرے گا ۔ وزیر اعظم نواز شریف کانفرنس میں دہشتگردی کے خاتمے کیلئے پاکستان کی کوششوں سے آگاہ کریں گے ۔ اس کے علاوہ اسلام کے امن ، برداشت اور اتحاد کے پیغام کو بھی اجاگر کریں گے۔
کانفرنس میں سعودی فرمانروا اور امریکی صدر سمیت دیگر مسلم سربراہ مملکت مدعو ہیں ۔ وزیر اعظم نواز شریف کو دورے کی دعوت شاہ سلمان بن عبدالعزیز نے دی ہے ۔ وزیر اعظم کانفرنس کے شرکا کے ساتھ دہشتگردی کے خاتمے کیلئے مرکز کا بھی افتتاح کریں گے ۔ وزیر اعظم نواز شریف 22 مئی کو مدینہ منورہ جائیں گے۔
امریکی جیٹ طیاروں کا شام میں تازہ حملہ غیر قانونی ہے، روس
امریکہ اور سعودی عرب کے درمیان 110 ارب ڈالر کے معاہدے
