وزیراعظم نواز شریف کا دورہ کابل انکا اقتدار سنبھالنے کے بعد مجموعی طور پر نواں غیرملکی دورہ ہو گا۔ وزیراعظم کی قیادت میں جانے والے پاکستانی وفد میں مشیربرائے امور خارجہ سرتاج عزیز، معاون خصوصی طارق فاطمی اور سیکرٹری خارجہ جلیل عباس جیلانی بھی شامل ہونگے۔
ذرائع کا کہنا ہے کہ وزیراعظم نواز شریف کابل میں افغان قیادت کے ساتھ ملاقات میں پاکستان کی جانب سے افغان امن و مفاہمتی عمل کی مکمل حمایت کی یقین دھانی کروائیں گے۔
ملاقاتوں میں پاک افغان دوطرفہ تعلقات، خطے کی صورتحال، باڈر مینیجمنٹ، سمگلنگ خصوصا منشیات کی روک تھام کے علاوہ ٹرانزٹ ٹریڈ سمیت دوطرفہ تجارتی حجم بڑھانے کے حوالے سے بھی بات ہو گی۔
اس دوران دونوں جانب سے مفاہمتی عمل کیلیے پاکستان سے افغان طالبان کی رہائی اور 2014 میں غیرملکی افواج کے افغانستان سے انخلاء کے بعد پیدا ہونے والی ممکنہ صورتحال پر بھی بات چیت کی جائے گی۔
عوام شرپسند اور انتہا پسندعناصر پر نظر رکھیں، الطاف حسین
امریکی ڈرون حملوں کیخلاف مختلف شہروں میں احتجاج
