اسلام آباد (جیوڈیسک) وزیراعظم نوازشریف نے وزیراعلیٰ سندھ قائم علی شاہ کو ٹرانسپورٹ کرایوں میں کمی سے متعلق خط لکھ دیا۔ وزیراعظم نوازشریف کی جانب سے وزیراعلیٰ سندھ سید قائم علی شاہ کو خط لکھا گیا ہے، وزیراعظم کی جانب سے لکھے گئے خط میں سندھ حکومت کی توجہ پبلک ٹرانسپورٹ کے کرایوں کی طرف دلائی گئی ہے۔
وزیراعظم کی جانب سے تحریر خط میں کہا گیا ہے کہ ملک میں ڈالر اور پیٹرولیم مصنوعات کی قیمتوں میں کمی کے باوجود سندھ میں ٹرانسپورٹ کے کرایوں میں کوئی کمی نہیں کی گئی ہے وزیراعظم نے وزیراعلیٰ کو ہدایت کی ہیں کہ سندھ حکومت ٹرانسپورٹ کے کرایوں میں کمی کے لیے اقدامات کرے۔ وزیراعظم نوازشریف نے پیٹرولیم مصنوعات کی قیمتوں میں کمی کے بعد چاروں وزرائے اعلیٰ کو پبلک ٹرانسپورٹ کے کرایوں میں کمی کے لیے خط لکھا ہے۔
مشرف کا معاملہ عدالتوں کے ذریعے پایہ تکمیل تک پہنچانے کا فیصلہ
طالبان سے مذاکرات پر رپورٹ قومی اسمبلی میں پیش، مہنگائی کے تناسب سے تنخواہیں بڑھائیں گے، حکومت
