تحریر : انجینئر افتخار چودھری لوگ ایسے ہی نہیں الگ ملک،صوبہ مانگتے، اس لئے کہ جب ان کی کوئی سنتا نہیں تو شور تو اٹھے گا۔ہزارہ صوبہ کی تحریک تو خون بھی دے چکی اے این پی کے دور میں ١٢ اپریل کے خونیں دن کو کوئی نہیں بھول سکتا۔اس تحریک کے بھگوڑے مختلف پارٹیوں میں مزے لوٹ رہے ہیں۔اور صوبہ ہزارہ ادھر کا ادھر ہی ہے۔سردار حیدر زمان کی جگہ سردار شیر بہادر ہیں لیکن وہ بیچارے اپنی کرسی تخت پشاور سے بچانے میں لگے ہوئے ہیں۔ ان کا قصور یہ ہے کہ ان کا کوئی قصور نہیں۔کیا ہم قیدی تخت پشور دے ہاں؟آج جاننے کی کوشش کی کہ کیا ہری پور بدل گیا ہے؟جان کر دکھ ہوا پختونخوا تو قاقعی بدل رہا ہے لیکن ہزارہ سرک رہا ہے۔لوگوں کی شکایات کے انبار لگ گئے سردار طیب گجر سخاوت حسین اور بے شمار پھٹ پڑے۔کیا یہ سچ ہے کہ اٹک پار کے ساتھ ہزارے والوں کا نباہ نہیں ہے۔یقین کیجئے نئے نئے منصوبے صوابی مردان نوشہرہ سے باہر آتے ہی نہیں۔ہزارہ جہاں آدمی کا ہے مشکل گزارہ۔یہ ہمارے لئے لمحہ ء فکریہ ہے۔برادر حافظ سجاد قمر نے کہا تھا کہ تحریک ہزارہ کا وفد عمران خان سے ملنا چاہتا ہے پتہ نہیں ١٢ اپریل سر پر تھی یا کوئی اور وجہ وفد کی لمبی چوڑی لسٹ میں حیدر زمان خان کا نام نہ تھا گویا بارات تو تھی دلہا نہیں تھا، روشنیوں کے شہر اسلام آباد کے سر پر بھی روشنیاں راج کرتی ہیں۔
چراغ تلے اندھیرا تو آپ نے سن ہی رکھا ہو گا اگر نہیں تو میں آپ کو دکھائے دیتا ہوں ۔پیر سوہاوہ ٹاپ کے پیچھے ایک نگر آباد ہے جہاں کے لوگوں کو رات گئے اسلام آباد کی روشنیاں تو نظر آتی ہیں مگر وہ خود اس سے مستفید نہیں ہیں ۔یہ علاقہ ہری پور میں واقعہ ہے جہاں سے ہری پور پہنچنے کے لئے دو گھنٹے لگتے ہیں اور اسلام آباد کے پچھواڑے کے لوگ کیپیٹل میں ایک گھنٹے میں پہنچ جاتے ہیں۔ایک سڑک جو ایوب دور میں شروع ہوئی تھی وہ چند سال پہلے ہی پایہ تکمیل تک پہنچی ہے۔بجلی کا میں نے ذکر کیا ہے وہ اب ہے تو سہی مگر سرگی کے تارے کی مانند ہے جس طرح یہاں کے لوگ اس سے لئو مانگتے رہتے ہیں ایسے ہی بجلی کو بھی ساکنان علاقہ ترس جاتے ہیں۔دم آیا آیا نہ آیا۔
آپ میری یہ بات جان کر حیران ہوں گے کہ اس علاقے میں کوئی کالج نہیں ہے ،کوئی ٹیکنیکل ادارہ نہیں ہے یہاں کے لوگوں کا ذریعہ معاش اسلام آباد میں آ کر چھوٹی موٹی مزدوری کرنا فوج کی ملازمت اور اب کچھ عرصہ سے خلیج کی ریاستوں اور سعودی عرب میں محنت مزدوری کر کے گھر کا چولہا جلانا۔ان کی اس بد قسمتی کی ذمہ داری اس علاقے کی قیادت پر ڈالتے ہوئے مجھے کوئی باک محسوس نہیں ةوتا یہاں راجہ سکندر زمان ایک عرصہ تک بے تاج بادشاہ رہے ان کے پاس گورنری وزارت اعلی پانی بجلی کی وزارت رہی۔سینئر منسٹر بھی رہے ۔لیکن افسوس کہ وہ اس پورے علاقے کی تقدیر بدلنا تو کیاان کی شب تاریک تو سیاہ تر کرتے رہے۔یہی بد قسمتی ان لاکھوں لوگوں کے مقدر میں لکھی رہی۔ہری پور کہ اس پسماندہ ترین علاقے کی قسمت آج بھی راہنما کی منتظر ہے جو پی کے ٤٩ کے مقدر جگا سکے۔
آپ حیران ہوں گے اس خوبصورت وادی جسے ہرو ندی نے چار چاند لگا رکھے ہیں جبری پل سے لے کر خانپور ڈیم تک جو ١٥ کلو میٹر کا فاصلہ ہے اس پر کوئی اور پل نہیں۔بارش میں ندی کے اس پار کے لوگ ادھر نہیں آ سکتے اور ادھر کے ادھر نہیں جا سکتے۔یہ ندی ہر سال چند حرماں نصیبوں کی جان لیتی ہے۔خانپور ڈیم جو اپنے پانیوں سے میدان پنج کٹھہ سے لال سرخ مالٹے پیدا کرتا ہے مجھے لگتا ہے بھاٹی ببھوتری بوکنہ اور دیگر دیہات کے ان لوگوں کے خون کی سرخی ریڈ بلڈ مالٹوں میں منتقل ہو جاتی ہے۔اس علاقے کے لوگ مریضوں کو چارپائیوں پر لاد کر خانپور یا لورہ ہسپتالوں میں لے کر جاتے ہیں۔بہت سوں نے راجائوں کے اس دیس میں جہاں کبھی کبھی ترین بھی اقتتدار کا مزہلوٹتے ہیں یہاں مختیار گجر اور بیدار شاہ نے انقلاب لانے کی کوشش کی مگر پہاڑ جیسے مسائل جو قیام پاکستان کے وقت کے تھے انہیں حل کرنا ان کے بس کی بات نہیں تھی۔مائوں کے بچے صرف دو وقت کی روٹی کے لئے پنڈی اسلام آباد سے کراچی تک تلاش رزق کے لئے ہی نہیں گئے دنیا کے کونے کونے میں پہنچے مجھے ٢٠٠٤ میں ملائیشیا جانے کا اتفاق ہوا وہاں جنگ عظیم دوم کے شہداء کی ایک یاد گار پر جانے کا موقع ملا میں نے دیکھا کالا خان میرداد اور اس قسم کے ناموں سے مزین تختی مجھے پکار پکار کہہ رہی تھی روٹی کے متلاشی تمہارے ہی گرائیں تھے۔
اب بھی فوج میں اس علاقے کے جوانوں کی بڑی تعداد ہے آئے ان دیہات کے بچوں کی لاشیں آتی ہیں جو کبھی کراچی میں کسی لسانیت پرست کی بوری میں بند ہوتا ہے یا سیاہ چین وانا وزیرستان میں کام آتا ہے۔میں تو اس حکومت کے ساتھ ساتھ جنرل راحیل سے بھی مطالبہ کرتا ہوں شہداء کی اس دھرتی پر سڑکیں ہسپتال تعلیم ادارے بنائے جائیں۔پی ٹی آئی کی حکومت ہوا کا ایک تازہ جھونکا ہے۔لیکن لوگ چاہتے ہیں اس علاقے میں صوابی نوشہرہ اور پشاور جتنے فنڈ خرچ کئے جائیں۔ پرویز خٹک اٹک کے اس پار بھی دیکھ لیا کریں خاص طور پر پے کے انچاس کی یہ پہاڑی یونین کونسلیں آپ کی توجہ چاہتی ہیںاس علاقے کو سیاحتی علاقہ بنایا جائے۔میں اپنے دوست یوسف ایوب سے بھی گزارش کروں گا کہ ہم بھی منہ میں زبان رکھتے ہیں کاش پوچھو کہ مدعا کیا ہے۔
نیلاں بھوتوکوہالہ درکوٹ جبری نلہ جنڈی ببھوتری اور اپر خانپور انصاف مانگتا ہے۔جبری بنگلہ سے نجف پور روڈ کو اگر نہ بنایا گیا تو اس علاقے کے ساتھ بڑا ظلم ہو گا۔ترناوہ کوہالہ روڈ کی حالت کسی بیوہ کی اجڑی ہوئی مانگ سے کم نہیں۔پتہ نہیں لوگوں کو اسلام آباد سے موئن جو دڑو کیوں لے جایا جاتا ہے انہیں اس سڑک کی زیارت کرا دی جائے تو مقصد پورا ہو جائے گا۔اس اندھیر نگری پر کیا لکھوں بس اتنا لکھے دیتا ہوں کہ حق دار را حق رسید ہونا چاہئے اگر تحریک انصاف لوگوں کو انصاف نہ دے سکی تو یاد رکھئے ہزارہ کے دیگر علاقوں کا تو پتہ نہیں اس علاقے سے ایک بار سخت شکست کا سامنا کرنا پڑے گا۔پرویز خٹک کو اس دنیا میں جواب تو دینا ہی ہو گا آخرت میں پوچھے جائیں گے۔ادھر پانچ اراکین اسمبلی نے جو علم بغاوت بلند کیا ہے اس کے لکیا نتائج نکلتے ہیں یہ تو وقت بتائے گا مگر پی کے انچاس کا پہاڑی علاقہ ماتم کناں ہے۔
باقی رہی بات مسلم لیگ نون کے بابر نواز خان انہوں نے نواز شریف کے اتباع میں اتنی لمبی لمبی چھوڑی ہیں کہ دوسری بار ان کی یہ کاٹھ کی ہنڈیا نہیں چڑھ سکے گی۔بقول شخصے ایک خلا پیدا ہو گیا ہے؟وہ کون پورا کرتا ہے وقت بتائے گا۔باقی یہ اندھیر نگری سب سے جواب مانگتی ہے؟کہ میرا کیا قصور؟ یاد رکھئے اگر ہزارہ کی ان یونین کونسلوں کو کو پہاڑی علاقے پر مشتمل ہیں اسی طرح نظر انداز کیا گیا تو یہ علاقہ اسلام آباد میں شامل ہونے کا مطالبہ کرے گا۔کیا اٹک پار کے حکمران اس پر غور کریں گے؟ہری پور کے بھولے بھالے ڈسٹرکٹ کونسل کے ممبران کاغان سے ہو آئے ہیں۔کیا یہ لولی پاپ تھا۔سچ پوچھیں تو سچ یہ ہے سب کا ہری پور پیج نے تو بتایا کہ چن چڑھیا ضرور ہے لیکن اٹک پار کیا اساں قیدی تخت پشور دے ہاں؟
جوکھم
قوموں کی ترقی ارادوں اور اداروں کی مضبوطی سے مضمر ہے مگر
