کراچی (جیوڈیسک) بیرون ممالک جانے والے پاکستانی شہری صرف سرکاری اسپتالوں اور ای پی آئی کے مرکزی دفتر سے پولیو سرٹیفکیٹ حاصل کریں، بعض نجی اسپتالوں کی جانب سے بھاری معاوضے کے عوض پولیو سرٹیفکیٹ جاری کیے جارہے ہیں جو غیر قانونی ہیں۔
پولیو سرٹیفکیٹ اب لازمی سفری دستاویز بن گئی ہے لہٰذا بیرون ممالک جانے والے مسافر صرف سرکار ی اسپتالوں اور ای پی آئی کے مرکزی دفتر سے جاری کردہ پولیو سرٹیفکیٹ حا صل کریں، یہ بات صوبائی وزیر صحت ڈٖاکٹرصغیراحمد نے منگل کو اپنے دفترمیں سیکریٹری صحت کے ہمراہ اجلاس میں کہی، انھوں نے کہا کہ ایسی اطلاعات موصول ہورہی ہیں کہ بعض نجی اسپتالوں کی جانب سے پولیو سرٹیفکیٹ جاری کیے جارہے ہیں جوکہ سراسر جعلی اور غیرقانونی ہیں۔
پولیو سرٹیفییٹ جاری کرنے کا اختیار صرف سرکاری اسپتالوں اور ای پی آئی کے مرکزی دفترکو حاصل ہے، اس لیے بیرون ملک جانے والے پاکستانی شہریوں سے درخواست ہے کہ وہ سفری تکالیف سے بچنے کے لیے صر ف سرکاری اسپتالوںاور ای پی آئی کے مرکزی دفتر سے پولیو سرٹیفکیٹ حا صل کریں جو بلامعاوضہ فراہم کیے جارہے ہیں انھوں نے ہدایات جاری کیں جو بھی نجی اسپتال اس قسم کے غیرقانونی عمل میں ملوث پایا گیا تو اس کے خلاف قانونی کاروائی کی جائے گی۔
پاک چین مشترکا عالمی فضائی مشق شاہین تھری ختم
دورۂ ہندوستان کامیاب رہا۔ وزیراعظم کے معاونین کا اصرار
