بھمبر میں بجلی کی بلا جواز لوڈ شیڈنگ نے ہمارے کاروبار تباہ کر دئیے ہیں
بھمبر ( ڈسٹرکٹ رپورٹر ) بھمبر میں بجلی کی بلا جواز لوڈ شیڈنگ نے ہمارے کاروبار تباہ کر دئیے ہیں اور اب دوکاندار بھی فاقوں کی زد میں آنا شروع ہو گئے ہیں اگر بجلی بندش کی یہی صورتحال رہی تو بھمبر کے دوکاندار اپنی دوکانوں پر تالے ڈالنے پر مجبور ہو جائینگے پنجاب میں بجلی کی بندش اور لوڈشیڈنگ میں کمی آئی ہے آزاد کشمیر میں لوڈشیڈنگ کا سارا بوجھ ڈالنا انتہائی نا انصافی اور زیادتی ہے ہمارا ارباب اختیار سے مطالبہ ہے کہ لوڈ شیڈنگ کا خاتمہ کیا جائے اور لوڈشیڈنگ کا دورانیہ دن کے اوقات سے ختم کر کے رات کے اوقات میں کیا جائے ان خیالات کا اظہار بھمبر کے تاجروں کے ایک وفد نے صدر انجمن تاجران ڈاکٹر عبدالشکور راجہ کی زیر قیادت کشمیر پریس کلب بھمبر میں صحافیوں سے گفتگو کرتے ہوئے کیا انہوں نے کہا کہ موسم گرما میں تو بجلی کی کمی ہونے کے باعث کئی کئی گھنٹے لوڈ شیڈنگ کا جواز بنتا تھا لیکن موسم سرما کے آتے ہی جب بجلی کا استعمال کم ہو گیا ہے لوڈ شیڈنگ کا دورانیہ بڑھا کر نہ صرف ہمارے کاروبار تباہ کئے جا رہے ہیں جبکہ صبح اور شام کے اوقات میں بجلی بند کر کے گھروں میں شدید مسائل سے دو چار کر دیا گیا ہے انہوں نے کہا کہ بجلی سے جڑے بے شمار کاروبار ٹھپ ہو کر رہ گئے ہیں اور کئی ایک کام تو بالکل ہی بند ہو چکے اور لوگ بے روز گار ہو کر فاقوں کے شکار ہو رہے ہیں انہوں نے کہا کہ اگر یہی صورتحال جاری رہی تو ہم دوکانوں کو تالے لگا کر محکمہ برقیات کے خلاف سخت احتجاج پر مجبور ہونگے ہمارا ارباب اختیار سے مطالبہ ہے کہ آزاد کشمیر میں بلا جواز لوڈ شیڈنگ کا خاتمہ کیا جائے اور دن کو ہونیوالی لوڈ شیڈنگ کو رات کے اوقات میں بڑھا یا جائے تا کہ لوگ اپنے کاروبار بھی کر سکیں اور معمولات زندگی بھی انجام دے سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اصلاحی کمیٹی سیرلہ کا ایک تعزیتی اجلاس زیر صدارت راجہ نعیم نجمی منعقد ہوا اجلاس میں راجہ قمر مظفر کے بیٹے
بھمبر ( ڈسٹرکٹ رپورٹر ) اصلاحی کمیٹی سیرلہ کا ایک تعزیتی اجلاس زیر صدارت راجہ نعیم نجمی منعقد ہوا اجلاس میں راجہ قمر مظفر کے بیٹے ، مرزا محمد اسلم کے والداور گڑھا کنجال کے انجینئر تیمور یوسف کے انتقال پر گہرے دکھ اور غم کا اظہار کرتے ہوئے مرحومین کی روح کے ایصال ثواب کیلئے فاتحہ خوانی کی اور لواحقین کیلئے صبر و جمیل کی دعا کی گئی اجلاس میں ملک شوکت اعوان ، راجہ جاوید اقبال سونی ، مرزا غلام فاروق، راجہ ساجد اقبال ، مرزا مظہر اقبال، مرزا امجد عبدالرحمان ، سہیل اسحاق، راجہ عارف سمیت دیگر نے بھی شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر باب کشمیر پل میرپور بھمبر بائی پاس چوک سپیڈ بریکر اور چوک کی نشانی نہ ہونے کے باعث حادثات کا سبب بننے لگا
بھمبر ( ڈسٹرکٹ رپورٹر ) بھمبر باب کشمیر پل میرپور بھمبر بائی پاس چوک سپیڈ بریکر اور چوک کی نشانی نہ ہونے کے باعث حادثات کا سبب بننے لگا روزانہ موٹر سائیکلوں اور گاڑیوں کے ٹکرانے کے واقعات ہونا معمول بن گے متعدد افراد ٹانگیں اور بازو تڑوا بیٹھے شہریوں اور عوام علاقہ کا سپیڈ بریکر بنانے اور باقاعدہ چوک کی نشانی آویزاں کرنے کا مطالبہ تفصیلات کے مطابق باب کشمیر پل کے اختتام پر بنے بھمبر میرپور بائی پاس چوک میں 3ا طراف بھمبر گجرات برنالہ، بھمبر میرپور جب باب کشمیر سے بھمبر سٹی کی سڑکیں آپس میں ملتی ہیں جہاں پر سپیڈ بریکر اور چوک کی کوئی باقاعدہ نشانی یا برقی اشارہ نہ ہونے کے باعث تینوں اطراف سے آنے والی گاڑیاں تیز رفتاری سے گذرتی ہیں جہاں ٹریفک کی روازنی بھی بہت زیادہ ہے اور اس گذر گاہ سے ضلع کچہری جانے والی گاڑیوں کا بھی ہر وقت رش رہتا ہے جس کی وجہ سے ٹریفک جام رہنا اور آئے روز حادثات معمول بن گے ہیں اور درجنوں گاڑی اور موٹر سائیکل سوار افراد حادثات کی زد میں آکر ٹانگیں اور بازو تڑوا بیٹھے ہیں بھمبر کے عوامی اور شہری حلقوں نے محکمہ شاہرات اور بلدیہ بھمبر سے مطالبہ کیا ہے کہ باب کشمیر پل بھمبر میرپور بائی پاس چوک پر سپیڈ بریکر بنانے کے ساتھ ساتھ باقاعدہ چوک بنایا جائے تا کہ حادثات میں کمی اور لوگوں کی زندگیاں محفوظ بنائی جا سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک شوکت حسین ،چوہدری خالد حسین ایڈووکیٹ، محمد یاسین تبسم، ظہیر عباس بھمبر ( ڈسٹرکٹ رپورٹر ) ملک شوکت حسین ،چوہدری خالد حسین ایڈووکیٹ، محمد یاسین تبسم، ظہیر عباس، محمد لطیف رضوی، ملک عامر شہزاداور راجہ ولیدپاشا نے اپنے مشترکہ میں بائو چوہدری محمد اویس کے جواں سالہ کزن انجینئر تیمور یوسف کی حادثاتی موت پر گہرے دکھ اور غم اور اظہار کاکرتے ہوئے مرحوم کے درجات کی بلندی اور لواحقین کیلئے دعائے صبر و جمیل کی ہے اور کہا ہے کہ اللہ تعالیٰ مرحوم کے والدین کو جواں بیٹے کی جدائی کا صدمہ جھیلنے کی توفیق دے۔
