فکر آل رسول صلی اللہ علیہ وآلہ وسلم کانفرنس کی تیاریوں کا آغاز، کانفرنس 6 جون کو منعقد ہو گا
Posted on April 27, 2014 By Geo1 Webmaster سٹی نیوز
کراچی (اسٹاف رپورٹر) قادریہ الجیلانیہ خدمت کمیٹی کے تحت عظیم الشان محفل “فکر آل رسول صلی اللہ علیہ وآلہ وسلم کانفرنس “کی تیاریوں کا آغاز ہوگیا اس سلسلے میں علماء اکرام سے رابطے شروع کردیئے گئے کمیٹی کے چیئر مین پیرزادہ سید غلام عباس شاہ الرزاقی نے میڈیا سے گفتگو کرتے ہوئے کہا کہ عظیم الشان محفل 6 جون 2014ء کو آرٹس کونسل کے نزدیک واقع وائی ایم سی گرائونڈ پر منعقد کی جائے گی اس عظیم الشان کانفرنس میں ملک بھر سے ممتاز علماء اکرام شرکت کرینگے۔
انہوں نے کہاکہ محفل میں ملک بھر سے لاکھوں عاشق مصطفی صلی اللہ علیہ وآلہ وسلم شریک ہونگے ۔پیرزادہ سید غلام عباس شاہ الرزاقی نے کہا کہ فکر آل رسول صلی اللہ علیہ وآلہ وسلم کانفرنس ملک میں نظام مصطفی کے نفاذ میں اہم کردار ادا کرے گا۔انہوں نے بتا یا کہ کانفرنس کے انعقاد کے حوالے سے تیاریوں کا آغاز کردیا گیاقادریہ الجیلانیہ خدمت کمیٹی کے عہدیداران و کارکنان نے علماء اکرام کے ساتھ ساتھ عوام اہلسنت سے رابطے شروع کردیئے ہیں۔
