صوبائی وزیر ہاؤسنگ تعمیر و مواصلات و شہری سہولیات ملک تنویر اسلم اعوان نے شہریوں کو شفاف پانی کی فراہمی
Posted on August 22, 2013 By Geo Urdu سٹی نیوز
چکوال(اعجاز بٹ سے) صوبائی وزیر ہاؤسنگ تعمیر و مواصلات و شہری سہولیات ملک تنویر اسلم اعوان نے شہریوں کو شفاف پانی کی فراہمی کے لئے ٹیوب ویلوں میں جراثیم کش محلول بروقت ملانے اور خستہ حال پائپ لائینوں کی فوری مرمت کا حکم دیا ہےـ وہ گزشتہ روز واسا کے افسران کے ساتھ منعقدہ اجلاس سے خطاب کر رہے تھےـ انہوں نے واسا حکام کو ہدایت کی کہ جن علاقوں سے آلودہ پانی یا پائپ لائینوں کی ٹوٹ پھوٹ کی شکایت موصول ہو 24 گھنٹے کے اندر موصول ہونے والی شکایات کا ازالہ کر کے انہیں رپورٹ پیش کی جائے انہوں نے کہا کہ جن علاقوں میں رات کے وقت پانی کا بہاؤ کم ہو جاتا ہے اس کے ازالے کے لئے فوری ضروری اقدامات کئے جائیں اور اس بات کو یقینی بنایا جائے کہ نماز فجر سے قبل پانی کی پائپ لائینوں میں پانی کا دباؤ معمول کے مطابق ہوـ انہوں نے افسران کو ہدایت کی کہ ڈینگی کے خطرے کے پیش نظر نصب شدہ ٹیوب ویلوں کا سروے کرایا جائے اگر انہیں کوئی پانی کی لیکیج یا جمع شدہ پانی ملے تو فوری طو رپر اس کا ازالہ کیا جائے اور ضروری ہو تو وہاں سپرے یا ڈینگی مار کیمیکل کا چھڑکاؤ کیا جائےـ انہوں نے تمام ٹیوب ویل آپریٹرز کو ہدایت کی کہ وہ اپنے اپنے ٹیوب ویل کی مکمل درستگی رپورٹ اپنے متعلقہ آفیسر کو پیش کریںـ انہوں نے مزید کہا کہ نماز کے اوقات کار میں کسی صورت ٹیوب ویل بند نہ کئے جائیں کسی بھی قسم کی شکایت کی صورت میں فوری طو رپر اپنے متعلقہ آفیسر کو رپورٹ پیش کریں اور موصول ہونے والی عوامی شکایات اور ٹیلی فون کا لز پر فوری کاروائی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصبہ ڈھرنال میں والدین کو ملنے کے لیے میکے آنے والی اڑھائی ماہ کی دلہن کو اغواء
چکوال(ڈسٹرکٹ رپورٹر) قصبہ ڈھرنال میں والدین کو ملنے کے لیے میکے آنے والی اڑھائی ماہ کی دلہن کو اغواء کے بعد قتل کر کے لاش کنوئیں میں پھینک دی گئی۔ مقتولہ ثوبیہ سلطان اپنے خاوند محمد عمر کے ہمراہ دیپالپور سے ڈھرنال والدین کو ملنے کے لیے میکے آئی جہاں رات کو سوتے ہوئے ملزمان باپ بیٹا وقاص رفیق اور محمد رفیق نے اغواء کرلیا۔ اور اسے قتل کر کے لاش کنوئیں میں پھینک دی۔پولیس نے لاش برآمد کر کے دونوں ملزمان کے خلاف مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنمنٹ ایلیمنٹری سکول پتالیاں کا ٹیچر ظفر اقبال دو سال گزرنے کے باوجود تین ماہ کی تنخواہ کے حق سے محروم
چکوال (ڈسٹرکٹ رپورٹر) گورنمنٹ ایلیمنٹری سکول پتالیاں کا ٹیچر ظفر اقبال دو سال گزرنے کے باوجود تین ماہ کی تنخواہ کے حق سے محروم، سائل کی ڈی سی او کو دی جانے والی درخواست بھی ردی کی نظر ہو گئی۔ عملدرآمد ندارد، تفصیلات کے مطابق گورنمنٹ ایلیمنٹری سکول پتالیاں کے ٹیچر ظفر اقبال جس کو گزشتہ کئی سالوں سے سیاسی اور انتقامی کاروائیوں کا نشانہ بنایا جا رہا ہے جس کو 2011ء میں سابقہ ایم این اے ایاز امیر اور کھارا کے سیاسی ٹائوٹوں کی طرف سے اپنے ظلم کا نشانہ بنایا گیا ہے۔ پہلے سیاسی تبادلہ کرایا گیا۔ اختیارات کا ناجائز استعمال کرتے ہوئے اسے اور اس کے اہل خانہ کو بھوکا مارنے کے لیے محکمہ کی ملی بھگت سے تین ماہ تک کی تنخواہ بند کروا دی گئی تھی۔ جس کی ادائیگی دو سال گزر جانے کے باوجود ابھی تک سائل کو نہ کی گئی ہے۔ اور سائل دربار کی ٹھوکریں کھا رہا یہ اور سائل کی مورخہ اکیس جولائی کو ڈی سی او چکوال یاور حسین کو اپنی تنخواہ کے حق کے حصول کے لیے دی جانے والی درخواست بھی ردی کی نظر ہو گئی ہے جس پر کوئی عملدرآمد نہ ہوا ہے اور محکمہ ایجوکیشن کے افسران بھی ٹس سے مس تک نہ ہوئے ہیں۔ اور اپنے ملازم کو اس کا حق دلانے میں بھی ناکام ہیں۔ وزیراعلیٰ پنجاب اور سیکرٹری تعلیم سے داد رسی کی اپیل کی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لبیک اینڈ داد فاؤنڈیشن کے زیر اہتمام ضلع چکوال کے ذہین طلباء و طالبات کے اعزاز میں 27 اگست کو ایک تقریب کا انعقاد کیا جائے گا
چکوال (ڈسٹرکٹ رپورٹر) لبیک اینڈ داد فاؤنڈیشن کے زیر اہتمام ضلع چکوال کے ذہین طلباء و طالبات کے اعزاز میں 27 اگست کو ایک تقریب کا انعقاد کیا جائے گا بانی و چیئرمین لبیک و داد فاؤنڈیشن حاجی خداداد مہر محمد کے مطابق ضلع بھر سے میٹرک، مڈل اور پنجم کے سالانہ امتحانات 2013میں پہلی پوزیشن حاصل کرنے والے طلباء و طالبات کو ایوارڈ اور نقد انعامات دیئے جائیں گے اس تقریب کے مہمان خصوصی ممتاز سماجی کارکن راجہ مجاہد افسر ہوں گے جبکہ ضلع بھر سے تعلیمی وادبی حلقوں کے علاوہ ممتاز شخصیات و شہری شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکوال کے بزرگ اخبار فروش چاچا غلام یاسین جوتقریباً2 ماہ قبل ہارٹ اٹیک کے باعث انتقال کر گئے تھے
چکوال(ڈسٹرکٹ رپورٹر)چکوال کے بزرگ اخبار فروش چاچا غلام یاسین جوتقریباً2 ماہ قبل ہارٹ اٹیک کے باعث انتقال کر گئے تھے کی ایمانداری اور دیانتداری ان کے مرنے کے بعد بھی زندہ ہے۔ چاچا غلام یاسین مرحوم ایک طویل عرصہ تک اخبار فروش یونین چکوال کے خزانچی رہے اور یونین کے گزشتہ 35سال کے فنڈز ان کے پاس جمع تھے۔ چاچا غلام یاسین کے انتقال کے بعد اخبار فروش یونین چکوال کے عہدیداران نے جب یونین فنڈز کا حساب کتاب کیا تو 28 ہزار 35 روپے کی رقم چاچا یاسین کے ذمہ بنتی تھی جس پر چاچا غلام یاسین کے صاحبزادے محمد ثقلین نے اخبار فروش یونین فنڈ کی 28ہزار35روپے کی رقم یونین کے عہدیداران کے حوالے کر کے نا صرف چاچا غلام یاسین مرحوم کی نیک نامی اور دیانتداری کو امر کیا بلکہ ایمانداری کی بھی مثال قائم کی ، چاچا غلام یاسین مرحوم کی دیانتداری دیگر اخبارفروشوں کیلئے بھی مشعل راہ ہونی چاہیے۔
