لاہور: صوبائی وزیر کوآپریٹو ملک محمد اقبال چنڑ نے آج اچانک وہاڑی، میلسی اور بوریوالہ میں لگائے گئے رمضان بازاروں کا دورہ کیا اور ایک عام صارف کی حیثیت سے خریداری کر کے سبزیوں ، پھلوں اور دیگر اشیاء کی قیمتوں کا جائزہ لیاـمیڈیاورلڈلائن کے مطابق اس موقع پر ان کے ہمراہ انتظامیہ کا کوئی اہلکار یا آفیسر موجود نہ تھا۔
انہوں نے رمضان بازاروں کے مختلف سٹالز پر صرف خریداری کی اور عام صارفین سے بھی ان رمضان بازاروں میں اشیاء کی کوالٹی اور قیمتوں بارے تبادلہ خیالات کرتے رہے ـ صارفین نے انہیں رمضان بازار کی اہمیت بارے بتایا کہ حکومت کایہ اقدام انتہائی قابل تحسین ہے کہ ایک چھت تلے ہر قسم کی اشیائے ضروریہ پھل اور سبزیاں ارزاں نرخوں پر دستیاب ہیں ـ صوبائی وزیر نے ہر رمضان بازار میں سیکورٹی انتظامات اور انتظامیہ کی طرف سے دی گئی سہولتوں کے بارے اطمینان کا اظہار کیا ـصوبائی وزیر کے اچانک دورے پر وہاڑی انتظامیہ فوری موقع پر پہنچی تو انہوں نے انتظامیہ کو ہدایت کی کہ وہ ان تمام رمضان بازاروں میں آٹے اور چینی کا کوٹہ بڑھائے تاکہ عوام کو زیادہ سے زیادہ سہولیات میسر آ سکیں۔
رمضان بازاروں میں عام آدمی کو ریلیف کی فراہمی یقینی بنائی جا رہی ہے: صوبائی وزیر آبپاشی
تلہ گنگ کی خبریں 9/7/2014
