کراچی (جیوڈیسک)پریذیڈینٹ کپ کرکٹ ٹورنامنٹ کل سے ملک کے مختلف شہروں میں شروع ہورہا ہے۔ ایونٹ میں ڈیپارٹمینٹل ٹیمیں حصہ لیں گی۔
پریذیڈینٹ کپ کرکٹ ٹورنامنٹ میں دس ٹیمیں حصہ لیں گی۔ گروپ اے میں سوئی نادرن گیس، کے آر ایل زرعی، ترقیاتی بینک، نیشنل بینک اور پورٹ قاسم کی ٹیمیں ہیں۔ اس گروپ کے میچز لاہور اور ملتان میں ہوں گے۔ گروپ بی میں پی آئی ے، واپڈا، اسٹیٹ بینک، یوبی ایل اور حبیب بینک کی ٹیمیں حصہ لیں گی۔
نیاز اسٹیڈیم حیدرآباد، نیشنل اسٹیڈیم کراچی اور یو بی ایل کمپلیکس ان میچز کی میزبانی کرے گا۔ ہرگروپ کی دو ٹاپ ٹیمیں سیمی فائنل کے لئے کوالیفائی کریں گی۔ فائنل انیس اپریل کو قذافی اسٹیڈیم میں کھیلا جائے گا۔
وسیم اکرم تربیتی کیمپ لگانے پر رضامند
آئی پی ایل : آج رائل چیلنجرز اور ممبئی انڈینز آمنے سامنے ہوں گی
