تھانہ صدر اور سٹی میں نئے ایس ایچ اوزتعینات، سرکل وزیرآباد کے اہم تھانوں میں نئے انچارج تعینات کئے گئے ہیں
وزیرآباد(تحصیل رپورٹر) تھانہ صدر اور سٹی میں نئے ایس ایچ اوزتعینات، سرکل وزیرآباد کے اہم تھانوں میں نئے انچارج تعینات کئے گئے ہیں۔ تھانہ سٹی میں محمد نواز کو انسپکٹر تعینات کیا گیا ہے اس سے قبل یہاں چوہدری اعجاز گجر تعینات تھے جن کے دورانیہ میں مجموعی طور پر شہر کے حالات تسلی بخش رہے۔ تھانہ صدر میں تعینات ایس ایچ اوہاشم گجر کو تبدیل کر کے ان کی جگہ عبد الحمید ورک کو تعینات کیا گیا ہے جو اس سے قبل بھی اسی تھانہ میں تعینات رہ چکے ہیں اور موصوف کی گزشتہ تعیناتی کے دوران علاقہ میں جرائم کی صورتحال کا گراف واضح طور پر ڈائون ہوگیا تھا۔ صدر انجمن شہریاں محمود احمد خان لودھی، گرینڈ ننجا ماسٹر سید شہباز بخاری، پرنٹ اینڈ میڈیا ورکنگ جرنلسٹ ایسوسی ایشن کے عہدیداروں خواجہ وقار قمر وکی، عقیل احمد لودھی نے سرکل وزیرآباد کے اہم تھانوں میںقابل پولیس افسران کی تعیناتی کو خوش آئند قراردیتے ہوئے امید ظاہر کی ہے کہ علاقہ میں امن وامان کی صورتحال برقرار رکھنے میں نئے پولیس افسران کوئی کسر باقی نہیں رکھیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اہم ترین مقام جی ٹی روڈکوٹ حضری پر سٹی ٹوور سروس کا باقاعدہ سٹاپ بنایا جائے
وزیرآباد(تحصیل رپورٹر)اہم ترین مقام جی ٹی روڈکوٹ حضری پر سٹی ٹوور سروس کا باقاعدہ سٹاپ بنایا جائے جبکہ اہل علاقہ کی دیگر مشکلات کا بھی ازالہ کیا جائے۔ نواحی علاقہ کوٹ حضری کے رہائشیوں رانا محمد اعظم جگنو، میاں آصف لاہوریا، میاں محمد الیاس، ثمران گجر، عمیر بٹ اور دیگر نے بتایا ہے کہ ان کا علاقہ ایک عرصہ سے انتظامیہ کی طرف سے نظر انداز کیا جارہا ہے ، علاقہ کے مکینوں کو سفری سہولیات میں دشواری کا سامنا کرنا پڑتا ہے ضلع گوجرانوالہ اور شہر وزیرآباد کی طرف جانے کیلئے انہیں گھنٹوں گاڑی کا انتظار کرنا پڑتا ہے جبکہ سٹی ٹوور کا سٹاپ نہ ہونے کی وجہ سے شہریوں ضلعی بس سروس سے بھی پوری طرح مستفید نہیںہوپاتے ۔ سٹی ٹوور بس مختلف مقامات پر سواریوں کو سٹاپ سے دور اتار دیتی ہے جس کی وجہ سے انہیں پریشانی اٹھانا پڑتی ہے۔ دوسری جانب علاقہ میں سیوریج کا نظام انتہائی ابتر ہوچکا ہے گھروں کا استعمال شدہ پانی سیوریج نظام درست نہ ہونے کی وجہ سے مین جی ٹی روڈ پر آجاتا ہے اور علاقہ کو جانے والے رستے بند ہوجاتے ہیں،مختلف گلیاں اور نالیاں عرصہ درار سے ٹوٹی ہوئی ہیں۔ مزید براںعلاقہ کے مختلف گھرانے سوئی گیس کی نعمت سے محروم ہیں ۔ علاقہ مکینوں نے کمشنر گوجرانوالہ اور دیگر ارباب اقتدار سے فوری اصلاح احوال کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمدرضوان مغل اسسٹنٹ ڈسٹرکٹ پراسیکیوٹر کو اٹھارہویں گریڈ میں ترقی مل گئی وزیرآباد(تحصیل رپورٹر) محمدرضوان مغل اسسٹنٹ ڈسٹرکٹ پراسیکیوٹر کو اٹھارہویں گریڈ میں ترقی مل گئی۔سنیئر صحافی محمود احمد خان لودھی اور دیگر کی طرف سے مبارکبار۔محمد رضوان مغل گزشتہ قریب ایک سال سے وزیرآباد میں بطوراسسٹنٹ ڈسٹرکٹ پراسیکیوٹرفرائض سرانجام دے رہے ہیں جنہیں حال ہی میں سترہویں سے اٹھارہویں گریڈ میں ترقی مل گئی ہے۔ موصوف کا شمار قابل افسران میں ہوتا ہے۔ سنیئر وائس پریزیڈنٹ پرنٹ اینڈ میڈیا ورکنگ جرنلسٹس ایسوسی ایشن وزیرآباد محمود احمد خان لودھی ، نیاز احمد چوہان،سید شہباز بخاری، خواجہ وقار قمر وکی اور دیگر نے انہیں ترقی ملنے پر مبارکبار اور نیک تمنائوں کا اظہار کیا ہے۔
