اسلام آباد (جیوڈیسک) ملک میں معاشی بحران کے باعث پاکستان اسٹاک ایکسچینج میں گزشتہ کئی روز سے مندی دیکھی جارہی تھی اور سرمایہ کار بے یقینی کا شکار تھے۔
تاہم سعودی عرب کی جانب سے پاکستان کو 12 ارب ڈالر کے امدادی پیکیج کے اعلان کے بعد جہاں روپے کی قدر میں بہتری آئی ہے وہیں اسٹاک ایکسچینج میں بھی استحکام پیدا ہوا۔
پاکستان اسٹاک ایکسچینج میں بدھ کے روز کاروبار کا آغاز مثبت انداز میں ہوا اور کاروبارکے دوران ہنڈرڈ انڈیکس 39 ہزار 296 کی سطح تک گیا جب کہ کم سے کم 37 ہزار 114 پر رہا۔
کاروبار کے اختتام پر ہنڈرڈ انڈیکس اپنے ریکارڈ ساز دن کے ساتھ 1556 پوائنٹس اضافے کے ساتھ 39 ہزار 271 پر بند ہوا۔
شیئرز بازار میں 33 کروڑ حصص کے سودے ہوئے جن کی مالیت 8 ارب 52 کروڑ روپے رہی۔
پاکستان کوارٹرز آپریشن پر وفاق اور سندھ آمنے سامنے، چیف جسٹس نے آپریشن مؤخر کر دیا
می ٹو مہم کی بانی ترانا برک کا مذاق اڑانے پر مداح اداکار مانی پر برس پڑے
