ملتان (جیوڈیسک) الیکشن ٹریبونل نے قومی اسمبلی کے حلقہ این اے 162 ساہیوال سے تحریک انصاف کے رہنما رائے حسن نواز کو اثاثے چھپانے پر نااہل قرار دے دیا ہے۔
الیکشن ٹریبونل ملتان کے جج رانا زاہد نے محمد ایوب کی جانب سے دائر درخواست پر کیس کا فیصلہ سناتے ہوئے این اے 162 ساہیوال سے تحریک انصاف کے امیدوار رائے حسن نواز کو نا اہل قرار دے دیا ہے۔ ٹریبونل نے الیکشن کمیشن سے حلقہ میں دوبارہ انتخابات کرانے کی درخواست کی ہے۔
واضح رہے کہ درخواست گزار محمد ایوب کی جانب سے تحریک انصاف کے امیدوار رائے حسن نواز پر الیکشن ٹریبونل کے سامنے اپنے اثاثے چھپانے کا الزام عائد کیا گیا تھا۔ رائے حسن نواز تحریک انصاف سینٹرل پنجاب کے صدر بھی ہیں۔
الطاف حسین کی سانحہ صفورا گوٹھ پر کل کاروباری سرگرمیاں بند رکھنے کی اپیل
شیریں مزاری نے گاڑی نکالنے کی اجازت نہ دینے پر پولیس اہلکار کو کھری کھری سنادیں
