پشاور (جیوڈیسک)اسلام آباد اور لاہور کے جلسوں میں بدنظمی کے واقعات کے بعد پاکستان تحریک انصاف نے 9 مئی کو ہونے والے جلسے میں خواتین کو نہ بلانے کا فیصلہ کیا ہے۔
مطابق 9 مئی کو پشاور میں ہونے والے تحریک انصاف کے جلسے کے لئے تیاریاں شروع کر دی گئی ہیں، پشاور جلسے کے لئے 20 ہزار کرسیاں لگائی جائیں گی جب کہ اسٹیج کی سیکیورٹی کے لئے 200 اہلکاروں کو تعینات کیا جائے گا، صوبائی اور ڈسٹرکٹ ممبرز کو بھی اسٹیج پر نشستیں دی جائیں گی۔ پی ٹی آئی ذرائع کا کہنا ہے کہ اسلام آباد اور لاہور جلسوں میں بدنظمی کے واقعات کے بعد پشاور کے جلسے میں خواتین کو نہ بلانے کا فیصلہ کیا ہے۔
صوبائی آرگنائزر پاکستان تحریک انصاف فضل محمد کا کہنا ہے کہ پشاور جلسے کے لئے 9 کنٹینرز نصب کر دیئے گئے ہیں، پشاور کا جلسہ اسلام آباد اور لاہور کے جلسے سے بھی زیادہ کامیاب ہو گا۔ ان کا کہنا تھا کہ جلسے کی خاص بات یہ ہے کہ ساونڈ سسٹم کی ذمہ داری ڈی جے ولی سنز کو دی گئی ہے جو کھلاڑیوں کو خون گرمائے گا۔
واضح رہے کہ اسلام آباد میں پی ٹی آئی کے یوم تاتیس اور پھر لاہور میں یکم مئی کو ہونے والے جلسوں میں خواتین کے ساتھ بدتمیزی کے واقعات رونما ہوئے تھے جس پر عمران خان کو معافی بھی مانگنی پڑی تھی۔
ملتان: پیراں غائب میں ٹرین کی ٹکر سے خاتون جاں بحق
انتخابی ضابطہ اخلاق کی خلاف ورزی پر وزیراعظم کے مشیر امیر مقام طلب
