لاہور (اصل میڈیا ڈیسک) پنجاب اسمبلی میں اپوزیشن لیڈر حمزہ شہباز نے کہا ہے کہ تحریک انصاف میتوں پر بھی سیاست سے باز نہیں آ رہی۔
جاتی امراء میں میڈیا سے گفتگو میں حمزہ شہباز نے کہا کہ پتھر دل والوں کوپیرول میں توسیع کی درخواست کون دے گا، تحریک انصاف میتوں پر بھی سیاست سے باز نہیں آرہی، بیگم کلثوم نواز کے بعد اب میری دادی کی وفات پر بھی حکومت گندی سیاست کر رہی ہے، جیسا کریں گے ویسا ہی بھریں گے۔
انہوں نے کہا کہ عمران خان کے سونامی نے ہر گھر کو غربت اور بے روزگاری میں ڈبو دیا ہے، پی ڈی ایم عوام کا غصہ ہے جسے روکا نہیں جا سکتا۔
لیگی رہنما کا کہنا تھا کہ اسٹیل مل کے ملازمین کو فارغ کرنا ظلم ہے، حکومتی پالیسیوں سے سعودی عرب جیسا دوست بھی ناراض ہے۔
نیب کو تسلیم ہی نہیں کرتے، اس کے نوٹس کی کوئی قانونی حیثیت نہیں: فضل الرحمان
آئی جی سندھ کو تبدیل کرنے کا فیصلہ
