پی ٹی آئی کے استعفے سے نظام کو خطرہ نہیں، الیکشن کمیشن اراکین خود مستعفی ہوں

Posted on October 30, 2014 By Majid Khan اسلام آباد, اہم ترین, مقامی خبریں

Khurshid Shah

اسلام آباد (جیوڈیسک) قائد حزب اختلاف قومی اسمبلی خورشید شاہ نے کہا ہے کہ تحریک انصاف کے استعفے منظور ہونے سے نظام کیلئے کوئی خطرہ نہیں، موجودہ صورتحال میں مڈ ٹرم انتخابات نظر نہیں آ رہے، کہتے ہیں الیکشن کمیشن اراکین کو ہٹایا نہیں جا سکتا، خود مستعفی ہو جانا چاہئے۔

اپوزیشن لیڈر خورشید شاہ نے گفتگو کرتے ہوئے کہا کہ تحریک انصاف اگر استعفے دینا چاہتی ہے تو قانونی تقاضے پورے کرے، پی ٹی آئی کو اپنے اراکین پر اعتماد کرنا چاہئے۔ حکومت پر دباؤ ہے کہ استعفے قبول نہ کیے جائیں، انہوں نے کہا کہ تحریک انصاف کے استعفے منظور ہونے سے کوئی فرق نہیں پڑے گا۔

استعفوں کی منظوری سے جمہوری نظام کیلئے کوئی خطرہ نظر نہیں آتا۔ اپوزیشن لیڈر نے کہا کہ ملک کی موجودہ سیاسی صورتحال میں مڈ ٹرم انتخابات نظر نہیں آ رہے۔ الیکشن کمیشن کے اراکین کو ہٹایا نہیں جا سکتا، اراکین کو خود مستعفی ہو جانا چاہئے۔