اسلام آباد (جیوڈیسک) وزیراعظم محمد نواز شریف نے وزارت پانی و بجلی اور وزارت پٹرولیم کو ہدایت کی ہے کہ عوام کو درپیش مشکلات کو مدنظر رکھتے ہوئے شفافیت کے اعلیٰ معیار پر کاربند رہ کر منصوبوں پر عملدرآمد کی رفتار تیز کی جائے۔
یہ ہدایات انھوں نے گزشتہ روز یہاں بجلی کے جاری منصوبوں کے بارے میں پیش رفت کا جائزہ لینے کیلیے وزیراعظم ہاؤس میں منعقدہ اعلیٰ سطح کے اجلاس کی صدارت کرتے ہوئے جاری کیں۔ انہوں نے اس بات پر زور دیا کہ عوام کو سستی بجلی کی دستیابی پر توجہ مرکوز کی جائے۔
اس موقع پر وفاقی وزیر پانی و بجلی خواجہ محمد آصف، وفاقی وزیر پٹرولیم شاہد خاقان عباسی، وزیراعظم کے معاون خصوصی مصدق ملک اور وزیراعظم کے سیکرٹری جاوید اسلم بھی موجود تھے۔
وزیراعظم کو ملک کے مختلف حصوں میں جاری منصوبوں اور آئندہ مہینوں میں بجلی کی ممکنہ دستیابی کے بارے میں آگاہ کیا گیا ہے۔ انھیں کوئلے اور گیس پر مبنی منصوبوں کی تکمیل کی مدت کے بارے میں بھی بتایا گیا۔
آپریشن ضرب عضب : خیبر ایجسی میں جیٹ طیاروں کی بمباری سے 15 دہشت گرد ہلاک
وزیر اعلی پنجاب کو نااہل قرار دینے کیلئے لاہور ہائیکورٹ میں درخواست دائر
