لاہور (جیوڈیسک) تحریک انصاف کے استعفوں کے بعد پنجاب اسمبلی میں نیا اپوزیشن لیڈر منتخب کرنے کیلیے دلچسپ صورتحال پیدا ہونے کا امکان ہے۔ اپوزیشن لیڈر پی ٹی آئی کے میاں محمود الرشید ہیں ان کا استعفیٰ منظور ہونے سے یہ عہدہ خالی ہو جائیگا۔
ایوان میں پیپلزپارٹی اور ق لیگ کے اراکین کی تعداد 8, 8 ہے، جماعت اسلامی 1، مسلم لیگ ضیاء 3، بہاولپور پارٹی 1 اور آزاد ارکان کی تعداد5 ہے، اب پیپلزپارٹی اور ق لیگ میں سے جس بھی جماعت کا اپوزیشن لیڈر بنے گا اس کو آزاد اراکین یا دیگر جماعتوں کی حمایت لینا پڑیگی، پنجاب اسمبلی میں اپوزیشن لیڈر کی تقرری کیلیے حکومت کا کردار بھی بہت اہم ہوگا۔
واضح رہے کہ گزشتہ روز عمران خان نے اسلام آباد میں جاری آزادی مارچ کے شرکاء سے خطاب کرتے ہوئے کہا تھا کہ پی ٹی آئی نے قومی اور صوبائی اسمبلیوں سے استعفیٰ دینے کا اعلان کیا ہے جب کہ خیبر پختون خوا اسمبلی سے استعفیٰ کا مطالبہ اتحادیوں سے مشاورت کے بعد کیا جائے گا۔
انٹر داخلہ پالیسی کو محکمہ تعلیم اور پولیس نے کمائی کا ذریعہ بنالیا
فیصل آباد میں مبینہ پولیس مقابلے کے دوران تین ڈاکو ہلاک ہوگئے
