لاہور (جیوڈیسک) پنجاب اسمبلی میں تحریک التوائے کار کی اجازت نہ ملنے پر اپوزیشن نے ایجنڈے کی کاپیاں پھاڑدیں اورنعرے بازی شروع کردی۔ پنجاب اسمبلی کا اجلاس شروع ہوتے ہی اپوزیشن نے تحریک التوائے کار پیش کرنا چاہی۔
قائم مقام اسپیکر کی جانب سے اجازت نہ ملنے پر اپوزیشن نے احتجاج شروع کر دیا۔ وہ اسپیکر ڈائس کے سامنے پہنچے اور ایجنڈے کی کاپیاں پھاڑ کر ہوا میں اچھال دیں۔ اپوزیشن کے شور شرابے کے دوران ایوان نے تین بل پاس کر لئے جن میں لائیوسٹاک بریڈنگ، ترمیم سول سرونٹس پنجاب اور ترمیم کارکردگی نظم وضبط اور جواب دہی ملازمین شامل ہیں۔ اپوزیشن کے احتجا ج کے دوران ہی پنجاب اسمبلی کا اجلاس کل صبح نوبجے تک ملتوی کر دیا گیا۔
طالب علموں کی رجسٹریشن کر کے انہیں انسداد ڈینگی مہم کے لیے کارڈ جاری کئے جائیں: سہیل شوکت
سڑک کی تعمیر شروع کروانے پر خادم اعلیٰ پنجاب میاں محمد شہباز شریف کا شکریہ ادا کرتے ہیں: اہل علاقہ
