لاہور (جیوڈیسک) پنجاب اسمبلی نے لوکل گورنمنٹ ترمیمی بل 2014 منظور کر لیا ہے جس کے تحت بلدیاتی حلقہ بندیوں اور ووٹر لسٹوں کی تیاری کا اختیار الیکشن کمیشن کو تفویض کردیا گیا ہے۔
اسپیکر رانا محمد اقبال کی سربراہی میں پنجاب اسمبلی کا اجلاس ہوا جس میں پنجاب حکومت کی جانب سے صوبائی وزیر قانون نے لوکل گورنمنٹ ترمیمی بل 2014 کو شق وار پیش کیا، جسے ایوان نے متفقہ طور پر منظور کر لیا، بل کی منظوری کے بعد صوبے بھر میں یونین کونسلوں کی حلقہ بندیوں اور ووٹر لسٹوں کی تیاری کا اختیار پنجاب حکومت سے لے کر الیکشن کمیشن کو دے دیا گیا ہے۔
واضح رہے کہ سپریم کورٹ نے پنجاب اور سندھ حکومت کو حکم دیا تھا کہ وہ حلقہ بندیوں کا اختیار الیکشن کمیشن کو تفویض کرنے کے لئے قانون سازی کرے۔
کوئٹہ میں مولانا فضل الرحمان پر خودکش حملے کا مقدمہ درج
ایرانی فورسز کی ایک مرتبہ پھر سرحدی حدود کی خلاف ورزی، چھ مارٹر گولے فائر
