لاہور (جیوڈیسک) پنجاب حکومت نے بلدیاتی انتخابات کے لئے تیس نومبر یا سات دسمبر کی دو تاریخیں تجویز کرنے کا فیصلہ کر لیا۔ سندھ حکومت نے ستائیس نومبر کو بلدیاتی الیکشن کا اعلان کیا ہے۔
پنجاب حکومت نے بلدیاتی انتخابات کے لیے سپریم کورٹ کو چودہ دسمبر کی یقین دہانی کرائی تھی تاہم اس سے پہلے ہی الیکشن کرانے کا فیصلہ کیا گیا ہے۔ وزیر بلدیات رانا ثنا اللہ کے مطابق تجاویز کے بارے میں جلد الیکشن کمیشن کو خط لکھ دیا جائے گا۔
دوسری جانب سندھ میں بلدیاتی انتخابات کے لیے آج سے نئی حد بندیوں کا عمل شروع ہو گا۔ وزیر اطلاعات شرجیل میمن کا کہنا ہے کہ بلدیاتی الیکشن کے لیے عدالت میں تاریخ دے چکے ہیں۔ چودہ دن کے اندر نئی حد بندیاں مکمل ہوں گی۔
چھٹی سے دسویں کلاس تک کمپیوٹر ٹیبلٹس دئیے جائیں گے: وزیر تعلیم
امیر اللہ مروت کی کامیابی کا نوٹیفکیشن جاری
