لاہور (اصل میڈیا ڈیسک) لاہور پولیس نے شہید کانسٹیبل کی بیٹی کو اس کے پہلے دن سرکاری پروٹوکول کے ساتھ اسکول چھوڑ کر روشن مثال قائم کر دی۔
ایس پی کینٹ عیسیٰ سکھیرا نے شہید اہلکار عمران کی بیٹی کو اسکول کے پہلے دن سرکاری پروٹوکول کے ساتھ اسکول چھوڑا، وہ اہلکاروں کے ہمراہ بچی کے ساتھ گئے اور اسے اسکول بیگ سمیت دیگر تحفے بھی پیش کیے۔
عیسیٰ سکھیرا کے مطابق کانسٹیبل عمران احتجاجی مظاہروں میں شہید ہو گئے تھے۔
شہید کی 4 سالہ بچی عروہ نور نے اپنے شہید والد کے ساتھ پہلے دن اسکول جانے کی ضد کی تو انہوں نے بچی کے سر پر دست شفقت رکھا اور پورے پروٹوکول کے ساتھ اسے اسکول چھوڑ کر آئے جہاں دیگر بچوں کو بھی تحائف پیش کیے گئے۔
اس موقع پر ایس پی کینٹ عیسیٰ سکھیرا کا کہنا تھا کہ تمام شہدا کے بچے ہمارے اپنے بچوں کی طرح ہیں، شہیدوں کے خاندانوں کو کبھی تنہا نہیں چھوڑیں گے۔
کراچی میں افغان گینگ کرکرے نے پولیس کو تگنی کا ناچ نچا دیا
منی لانڈرنگ کیس: شہباز، حمزہ کی ضمانت میں توسیع، عدالتی دائرہ اختیار چیلنج
