لاہور (جیوڈیسک) پنجاب کے بیشتر علاقوں میں بارش سے موسم خوشگوار ہونے کے ساتھ سردی کی شدت میں بھی اضافہ ہوگیا ہے۔ پنجاب میں ڈی جی خان ، میانوالی اور گردونواح میں ہلکی بارش کے بعد ٹھنڈی ہوائیں چلنے سے سردی میں اضافہ ہوا ہے۔
گلگت بلتستان میں برفباری تھمنے کے بعد سڑکوں سے برف ہٹانے کا کام جاری ہے اور بند سڑکیں آہستہ آہستہ کھولی جارہی ہیں۔آزاد کشمیر اور خیبرپختونخوا میں موسم خشک اور سرد ہے۔
بلوچستان میں بھی سردی زوروں پر ہے۔ کوئٹہ ڈویژن میں موسم جزوی ابر آلود ہے ، سندھ میں موسم معتدل ہے اور شہریوں نے گرم کپڑوں کا استعمال کم کر دیا ہے۔
حکومت اور طالبان نے مذاکرات کو مذاق بنادیا، فضل الرحمن
تحریک انصاف نے پنجاب لوکل گورنمنٹ ایکٹ سیکشن بائیس چیلنج کر دیا
