PWD ورکرز یونین ملازمین کا اپنے مطالبات کی منظوری کیلئے بھوک ہڑتالی کیمپ لگا لیا
Posted on November 1, 2012 By Geo Urdu سٹی نیوز
بھمبر ( ڈسٹرکٹ رپورٹر ) PWDورکرز یونین ملازمین کا اپنے مطالبات کی منظوری کیلئے بھوک ہڑتالی کیمپ لگا لیا 5نومبر کو ریاست گیر احتجاج کا اعلان تفصیلات کیمطابق PWDورکرز یونین کے ملازمین نے اپنے مطالبات کی منظوری کیلئے بھوک ہڑتال شرو ع کر دی اور بھمبر میں بھوک ہڑتالی کیمپ لگا لیا مطالبات کے منظور ہونے پر 5نومبر سے ریاست گیر احتجاج کا اعلان کر دیا۔
بھوک ہڑتالی کیمپ میں بیٹھے PWDورکز یونین کے نمائندوں نے صحافیوں سے گفتگو کرتے ہوئے کہاکہ ہم نے پر امن احتجاج کیا لیکن حکومت ٹس سے مس نہیں ہو رہی حکومت نے ہمارے احتجاج کو سنجیدہ نہیں لیا جسکی وجہ سے آج ہمیں بھوک ہڑتال کرنا پڑی اور اگر 5نومبر تک حکومت نے ہمارے مطالبات کی منظوری کا نوٹیفکیشن جاری نہ کیا تو پھر 5نومبر کوٹرانسپورٹ یونین کیساتھ ملکر ریاست گیر احتجاج کریں گے اور اسکی تمام تر ذمہ داری حکومت آزادکشمیر پر ہو گی ۔
