ُُُپیرمحل کی خبریں 26.09.2013
Posted on September 27, 2013 By Geo Urdu سٹی نیوز
پیرمحل شہر اور گردنواح میں دس بیس روپے کے نوٹوں سے ہار بنانے کا دھندہ عروج پر نوٹ پر قائد اعظم محمد علی جناح کی تصویر کا تقدس پامال پابندی لگائی جائے
پیرمحل (این این اے ) پیرمحل شہر اور گردنواح میں دس بیس روپے کے نوٹوں سے ہار بنانے کا دھندہ عروج پر نوٹ پر قائد اعظم محمد علی جناح کی تصویر کا تقدس پامال پابندی لگائی جائے تفصیل کے مطابق دس بیس روپے کے کرنسی نوٹوں کو کثیر تعداد میں ہار بناکر اس کو شادی بیاہ کی رسومات میں استعمال کیا جاتا ہے جس سے نہ صرف ان نوٹوں پر موجود قائد اعظم محمد علی جناح کی تصویر کی بے حرمتی ہوتی ہے بلکہ ان نوٹوں کو دوبارہ استعمال کرنا بھی مشکل ہے کیونکہ کامن پن لگانے سے نوٹ پھٹ جاتے ہیںجبکہ عام شہریوں کو ریزگاری کے سلسلہ میں مشکلات درپیش رہتی ہے حالانکہ چھوٹی کرنسی کا زیادہ تر فائدہ کاروباری لوگوں سمیت عام شہریوں کو ہوتا ہے دنیا بھر میں کہیں بھی کرنسی نوٹ کا اس طرح استعمال نہیں کیا جاتا، راجہ ظفرزریں نے گورنرا سٹیٹ بنک اور صدر پاکستان سے مطالبہ کیا کہ جعلی نوٹ کے قانون کی طرح نوٹ کو کرنسی کے علاوہ استعمال کرنے پر پابندی لگائی جائے تاکہ قائد اعظم محمد علی جناح کی تصویر کی بے حرمتی سمیت کرنسی کا غیر قانونی استعمال روکا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سو دن سے زائد گذرنے کے باوجود کارکردگی کی بنیاد پر انتخابات جیتنے کے دعویداروں کی کارکردگی کے ثمرات غریب عوام تک پہنچنا شروع ہو گئے
پیرمحل (این این اے ) سو دن سے زائد گذرنے کے باوجود کارکردگی کی بنیاد پر انتخابات جیتنے کے دعویداروں کی کارکردگی کے ثمرات غریب عوام تک پہنچنا شروع ہو گئے روپے کی بے قدری اور ڈالر کی بڑھتی ہوئی قیمت بجلی گیس پٹرول کی قیمتوں میں بے پناہ اضافہ ملکی تاریخ کی بدترین لوڈ شیڈنگ امن امان کی خراب صورتحال نے عوام کی چیخیں نکال دیں، غریب کو زندہ درگور کر دیا ہے ان خیالات کا اظہار پیر قطب علی شاہ المعرو ف علی بابا سابق امیدوار قومی اسمبلی نے اپنے بیان میں کیا انہوں نے کہا کہ موجودہ حکمرانوں نے عوام کی تقدیر بدلنے کے دعووں اور وعدوں کو پس پشت ڈالتے ہوئے عملی ریلیف کی بجائے تکلیف دینے کا سلسلہ شروع کر رکھا ہے سوسے زائد دن گذر گئے مگر وہ وعدے جن پر عوام نے وسیع تر مینڈیٹ دے کر اقتدا ردیا اس پر عمل نہ ہوسکا آج بھی غریب کے منہ سے نوالہ تک چھینا جا رہا ہے، سفید پوش طبقہ ایٹریاں رگڑ رگڑ کر مر رہا ہے، اوپر سے قوم کے حالات بدلنے کے باربار وعدے قوم کے زخموں پر نمک چھڑک رہے ہیں، ارباب اقتدار اور ان کے منطور نظر افرد کو بلٹ پروف گاڑیاں فراہم کرنے کے باوجود قتل و غارت گری بڑھتی جا رہی ہے، یہ سب عوام سے کیے گئے وعدوں سے انحراف ہے انہوں نے کہا کہ جمہوری حکومت کو فی الفور اپنے پہلے سو دن کے ایجنڈے پر عمل کرتے ہوئے عوام کو ریلیف مہیا کرنے سمیت ملک میں جاری بحرانوں کے خاتمہ سمیت آئین کی بالا دستی پر توجہ دینی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واپڈا ٹیم کا چھاپہ متعد د بجلی چور رنگے ہاتھوں پکڑے گئے مقدمات درج
پیرمحل (این این اے ) واپڈا ٹیم کا چھاپہ متعد د بجلی چور رنگے ہاتھوں پکڑے گئے مقدمات درج تفصیلات کے مطابق واپڈا ٹیم نے دوران چیکنگ چک نمبر 714 گ ب سے عبدالمجید،739 گ ب سے غلام محمد اور 732 گ ب سے غلام صدیق کو بجلی چوری کر تے رنگے ہاتھوں پکڑ لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (این این اے ) حاجی شفقت رسول بن صوفی غلام حسین نے بطور چیئرمین مارکیٹ کمیٹی دوبارہ چارج سنبھال لیا تفصیل کے مطابق حاجی شفقت رسول بن صوفی غلام حسین کو دوبارہ چیئرمین مارکیٹ کمیٹی پیرمحل بننے پر صاحبزادہ ندیم اسحاق، بابا محمد اسحاق روحانی سماجی شخصیت سابق کونسلر، شیخ محمد اکرم نے مبارک باد دیتے ہوئے نیک تمنائوں کا اظہار کیا ہے۔
