پیزاہٹ اوپن سپر سیریز رینکنگ ٹینس چیمپئن شپ 7 ستمبر سے کراچی جیم خانہ میں شروع ہوگی
Posted on September 3, 2013 By Geo Urdu کراچی
کراچی پیزاہٹ اوپن سپر سیریز رینکنگ ٹینس چیمپئن شپ 7 ستمبر سے کراچی جیم خانہ میں شروع ہوگی۔ سندھ ٹینس ایسو سی ایشن کے زیراہتمام ہونے والی چیمپئن شپ کی انعامی رقم 75000 روپے رکھی گئی ہے۔ ٹورنامنٹ میں مینز سنگلز، لیڈیز سنگلز، مینز ڈبلز، جونیئرز 17 سنگلز، انڈر 15 سنگلز، انڈر 13 سنگلز، انڈر 11 سنگلز، انڈر9 سنگلز اور پاکستان ٹینس کی۔
تاریخ میں پہلی بار اسپیشل کھلا ڑیوں کے دو ایونٹس بھی اس ٹورنامنٹ میں شامل کئے گئے ہیں۔ انڈر 21 مینز سنگلز سماعت سے محروم کھلاڑیوں کے لئے اور ذہنی طور پر چیلنج خواتین کھلاڑیوں کا سنگلز ایونٹ شامل ہے۔ ٹورنامنٹ میں شرکت کرنے والے کراچی کے باہر کے کھلاڑیوں کو اکنامی کلاس کا دو طرفہ کرایہ اور 300 روپے یومیہ الانس دیا جائے گا۔ ٹورنامنٹ میں انٹری بھیجنے کی آخری تاریخ 7ستمبر ہے۔
کراچی میں معصوم افراد کی ہلاکتیں ہمارے مینڈیٹ کا قتل ہے، حیدر رضوی
