قائد تحریک عمران خان ہی پاکستان کو بحرانوں سے نکالنے کا فن جانتے ہیں : خالد محمود گجر
Posted on August 13, 2013 By Noman Webmaster لاہور
لاہور : پاکستان تحر یک انصاف کے سینئر رہنما اور ضمنی انتخابات میں حلقہ پی پی 161 سے اُمیدوار خالد محمود گجر اور سینئر خاتون رہنما فضہ ذیشان نے کہا ہے کہ قائد تحر یک عمران خان ہی پاکستان کو بحرانوں سے نکالنے کا فن جانتے ہیں کیو نکہ اُن کے پاس عوام کے درد کو محسو س کرنے والا دل موجود ہے۔
سیاسی اداکار جو عوام کو بیوقوف بنا کر ووٹ حاصل کر رہے تھے اب اُن کا دور ختم ہو گیا ہے عوام کے سامنے حقائق آگئے ہیں عوام دشمن اقدامات کرنے والوں کو ضمنی الیکشن میں بُر ی شکست کا سامنا کرنا پڑ ئے گا ان خیالات کا اظہار رہنمائوں نے بحر یہ ٹاون میںالیکشن کے حوالے سے منعقد کارنر میٹنگ میں کارکنان کی بڑ ی تعداد سے خطاب میں کیا۔
انہوں نے کہا کہ پاکستان کو تر قی کی راہ پر گامزن کر نے والے شاہی حکمرانوں نے پاکستان کی عوام کو پہلے سے بڑے امتحان میں ڈال دیا ہے بجلی، گیس، پیٹرول ،کی قیمتوں نے تو پہلے ہی عوام کو خود کشیوں پر مجبور کر دیا ہے اور نئے سے نئے ٹیکسوں سے لوٹ مار مچا رکھی ہے انہوں نے کہا کہ پاکستانی عوام اب مسلم لیگ ( ن) کا احتساب کرئے گی۔
ضمنی انتخابات کے بعد بلدیاتی الیکشن میں تحر یک انصا ف ہی واضح برتری حاصل کرئے گی کیو نکہ ہمارے قائد عمران خان کی عوام دوست پالیسیاں ہی ملک کے مسائل کو ختم کر ینگے اس مو قعہ پر کارکنان کی بڑی تعد ادسمیت پاکستان مسلم لیگ ( ن) کے 8 کونسلرز ،اور مقامی رہنما عامر جٹ نے ارائیں اور جٹ برادری کی تحریک انصاف میں شمولیت اور مکمل حمایت کا اعلان کیا۔
بلدیاتی انتخابات غیر جماعتی بنیادوں پر کرائے گئے تو عدالت سے رجوع کریں گے
