کراچی (جیوڈیسک) اداکارہ صنم سعید نے کہا کہ تھیٹر اور ٹی وی الگ الگ شعبے ہیں ان دونوں میں ہی زمین آسمان کا فرق ہے ،تھیٹر میں ریہرسل بہت کرنا پڑتی ہے۔
لوگوں کے سامنے لائیو پرفارم کرتے ہوئے ری ٹیک کی گنجائش نہیں ہوتی اسی لئے اگر آپ ڈرامے کے دوران لائنیں بھول گئے تو بات بنانا پڑتی ہے جبکہ ٹی وی سکرین پرکا م کرنے کیلئے بہت صبر چاہئے ہوتا ہے اور وہاں کا ماحول بھی قدرے مختلف ہوتا ہے ، ٹی وی پر جلدی جلدی کام ہوتا ہے جس سے کوالٹی میں فرق آتا ہے ۔ان خیالات کااظہار انہوں نے خصوصی گفتگو کرتے ہوئے کیا۔
ان کا کہنا تھا کہ میں ہر ڈرامے اور شو کی آفرقبول نہیں کرتی بلکہ سکرپٹ ، ٹیم اور بہت کچھ جاننے کے بعدہی فیصلہ کرتی ہوں کہ یہ کرنا ہے یا نہیں ،ہمیشہ کم اور معیاری کام کو ترجیح دیتی ہوں ، دل تو چاہتا ہے کہ سال میں صرف ایک ہی پراجیکٹ کروں لیکن روزی روٹی کی خا طر زیادہ کام کرنا پڑتا ہے لیکن اسکے باوجود معیار ہمیشہ ترجیح رہتا ہے اور کبھی اس پر سمجھوتہ نہیں کرتی۔
سلیمان خیل اتحاد کی جانب سے بھارتی جارحیت کے خلاف احتجاجی مظاہروں کا اعلان
کاروباری ہفتے کا اختتام ، اسٹاک مارکیٹ میں 524 پوائنٹس کی کمی
