کوئٹہ (اصل میڈیا ڈیسک) شہر میں گزشتہ رات مقامی ہوٹل کی پارکنگ میں ہونے والے دھماکے کا مقدمہ تاحال درج نہیں کیا جا سکا ہے۔
پولیس کے مطابق دھماکے کے مقدمے کے اندراج کے لیے مراسلہ سی ٹی ڈی تھانے بھجوایا جارہا ہے اور دھماکے کی جگہ کو کرائم سین قرار دے کر سیل کردیا گیا ہے۔
پولیس کا کہنا ہےکہ دھماکے کے نتیجے میں ہلاکتوں کی تعداد 5 ہوگئی ہے اور 10 افراد زخمی ہیں۔
بم ڈسپوزل اسکواڈ کے مطابق دھماکے میں 40 سے 50 کلوگرام دھماکا خیز مواداستعمال کیا گیا تھا۔
دوسری جانب ڈی آئی جی پولیس کوئٹہ اظہر اکرام کا کہنا ہے کہ کوئٹہ کےزرغون روڈ پر مقامی ہوٹل کی پارکنگ میں ہونےوالے دھماکے کی تحقیقات شروع کر دی گئی ہیں۔
اظہر اکرام کے مطابق دھماکے کے وقت ہوٹل میں کوئی غیر ملکی وفد موجود نہیں تھا۔
پاکستان: کورونا سے مزید 98 اموات، 5800 سے زائد کیسز رپورٹ
پختونخوا اسمبلی نے رٹائرمنٹ کی عمر دوبارہ 60 سال کرنے کی منظوری دے دی
