کوئٹہ (اصل میڈیا ڈیسک) کوئٹہ میں ہونے والے پاکستان پیپلز پارٹی کے جلسے کی تیاریاں مکمل کر لی گئی ہیں۔
پی پی پی ذرائع کے مطابق کوئٹہ کے علاقے سریاب میں پیپلز پارٹی کے سابق صوبائی صدر علی مدد جتک کی رہا ئش گاہ پر ایک شمولیتی جلسہ ہوگا۔
جلسے سے پیپلز پارٹی کے چیئرمین بلاول بھٹو زرداری خطاب کریں گے جبکہ وزیر اعلیٰ سندھ مراد علی شاہ سمیت پیپلز پارٹی کی مرکزی قیادت بھی ان کے ہمراہ موجود ہوگی۔
پیپلز پارٹی کے جلسے کے لیے سکیورٹی کے انتہائی سخت انتظامات کیے گئے ہیں جبکہ سریاب روڈ اور کوئٹہ شہر کے اطراف میں پیپلز پارٹی کے 2000 سے زائد جھنڈے لگائے گئے ہیں۔
جلسے کے لیے 60 فٹ سے لمبا اور 20 فٹ چوڑا اسٹیج بنایا گیا ہے جس پر پیپلزپارٹی کے 60 سے زائد قائدین بیٹھیں گے۔
چیف آف جھالاوان اور سابق وزیر اعلیٰ بلو چستان نواب ثناء اللہ خان زہری، سا بق وفاقی وزیر لیفٹیننٹ جنرل (ر) عبد القادر بلوچ، سابق رکن بلوچستان اسمبلی کرنل (ر) یونس چنگیزی، سابق رکن بلوچستان اسمبلی نواب محمد خان شاہوانی اور سابق رکن بلوچستان اسمبلی کشور احمد جتک سمیت کئی سیاسی قبائلی شخصیات پاکستان پیپلزپارٹی میں شمولیت کا اعلان کریں گی۔
سندھ میں 19 اگست تک اسکول بند رکھنے کا فیصلہ
عدالت کا وزیر اعلیٰ بلوچستان کیخلاف مقدمہ درج کرنے کا حکم
