کوئٹہ (جیوڈیسک) سانحہ مستونگ کے خلاف شہر میں مکمل شٹرڈاؤن ہڑتال کی جارہی ہے جب کہ جاں بحق افراد کے ورثاء اور شیعہ علماء کونسل نے میتوں کے ساتھ علمدار روڈ پر دھرنا دے دیا۔
مستونگ میں زائرین کی بس پر خودکش حملے کے خلاف شٹرڈاؤن ہڑتال کی کال ہزارہ ڈیموکریٹک پارٹی اور اتحاد تاجران بلوچستان نے دی تھی، جس کی مختلف سیاسی جماعتوں نے بھی حمایت کی۔
ہڑتال کے باعث ہزارہ ٹاؤن، مری آباد، علمدارروڈ، عبدالستارروڈ، طوغی روڈ سمیت دیگر علاقوں میں کاروباری مراکز اور پیٹرول پمپس سمیت نجی دفاتر بند ہیں۔
دوسری جانب جاں بحق افراد کے ورثاء اور شیعہ علماء کونسل نے میتوں کے ساتھ علمدار روڈ پر دھرنا دے دیا۔ دھرنے میں شریک شعیہ علما کونسل اور مجلس وحدت المسلمین کے رہنماؤں کا مطالبہ ہے کہ سانحہ مستونگ کے ذمہ داروں کی گرفتاری اور وفاقی حکومت کی جانب سے ٹھوس یقین دہانی تک دھرنا جاری رہے گا۔
وزیر اعلیٰ خیبرپختونخوا کی چارسدہ میں ہونیوالے دھماکے کی مذمت
اوگرا عملدرآمد کیس، سپریم کورٹ کی ذمہ داروں کے تعین کیلئے نیب کو ایک دن کی مہلت
