کوئٹہ (جیوڈیسک) کوئٹہ کے نواحی علاقے میں تیز رفتار ٹرالر اور مسافر گاڑی میں تصادم سے تین بچوں اور ایک خاتون سمیت 8 افراد جاں بحق اور ایک شخص زخمی ہو گیا۔
پولیس کے مطابق کوئٹہ سے ایک مسافر گاڑی آج صبح چمن کے لئے روانہ ہوئی تو کچلاک میں تیز رفتاری کے باعث سامنے سے آنے والے ٹرالر سے ٹکرا گئی۔ جس کے نتیجے میں گاڑی میں سوار ایک خاتون ، تین بچوں سمیت 8 افراد موقع پر جاں بحق ہو گئے جبکہ ایک مسافر شدید زخمی ہو گیا۔
جاں بحق اور زخمی ہونے والوں کو فوری طور پر سول ہسپتال کوئٹہ پہنچایا گیا جہاں زخمی کی حالت تشویش ناک بتائی جاتی ہے ۔ ٹرالر کو پولیس نے قبضے میں لے لیا ہے جبکہ اس کا ڈرائیور فرار ہو گیا ہے۔ جاں بحق ہونے والوں کا تعلق ایک ہی گھرسے بتایا جاتا ہے جنہوں نے چمن پہنچنے کے بعد افغانستان جانا تھا۔
صدر کا جان کیری سے رابطہ ، منصب سنبھالنے پر مبارکباد دی
درخواست کا حق ہے یا نہیں، آج فیصلہ کریں گے: چیف جسٹس
