راولپنڈی (اصل میڈیا ڈیسک) پاکستان ریلوے نے شدید مالی بحران کے باعث ریلوے کے تمام دفاترز، ساتوں ڈویژنز، ہیڈ کوارٹر، ورکشاپوں اور ریلوے پولیس میں اوور ٹائم پر فوری پابندی لگا دی ہے یہ پابندی غیر معینہ مدت تک لگائی گئی ہے۔
اس پابندی کا باقاعدہ نوٹیفکیشن بھی جاری کر دیا گیا ہے، نوٹیفکیشن میں تمام دفاتر، ورکشاپوں کے سربراہان اور افسران کو ہدایات جاری کی گئی ہیں کہ کسی بھی ملازم سے بلاوجہ اوور ٹائم نہ لیا جائے اور سرکاری کام کو تقسیم کر کے دفتری اوقات کار میں ہی مکمل کرایا جائے،پاکستان ریلوے میں پہلی بار اوور ٹائم پر پابندی لگائی گئی ہے۔
اس پابندی پر ریلوے تنظیمیں سراپا احتجاج بن گئی ہیں، ریلوے تنظیموں کے قائدین مبارک حسین ،عامر رضا، آفتاب شاہ، خرم راٹھور، راشد اقبال، چودہری عامر نے یہ پابندی فوری ختم کرنے کا مطالبہ کرتے ہوئے کہا ہے کے پابندی ختم نہیں کرنا تو فوری طور پر ملازمین کی تنخواہوں میں 100 فیصد اضافہ کر دیا جائے اور اعلان کیا ہے کے اوور ٹائم بحال نا ہوا تو ملک بھر کے اسٹیشنوں، ڈویژنوں پر احتجاج ہو گا۔
پنجاب کی 11 سینیٹ نشستوں پر پی ٹی آئی اور (ن) لیگ میں سخت مقابلے کا امکان
تعلیمی ادارے کھل گئے، نویں تا بارہویں جماعت کا تعلیمی سلسلہ بحال
