ڈی جی خان (جیوڈیسک) کوہ سلیمان پر مسلسل بارشوں سے تونسہ شریف کے متعدد دیہات زیر آب آ گئے، کئی علاقوں کا ڈی جی خان سے زمینی رابطہ بھی منقطع ہو گیا جبکہ فصلوں کو بھی شدید نقصان پہنچا ہے۔
فلڈ کنٹرول سینٹر کے مطابق کوہ سلیمان میں وقفے وقفے سے بارش کا سلسلہ جاری ہے، ندی نالوں میں طغیانی سے تونسہ شریف کے دیہات بیٹ فتح خان، نتکانی، چو رکن، جھانگرا اور نور احمد والی میں نشیبی علاقے زیر آب آ گئے۔
شدید بارشوں کے باعث سیکڑوں ایکڑ رقبے پر گندم کی فصل تباہ ہو گئی، متعدد قبائلی علاقوں کا ڈی جی خان سے زمینی رابطہ بھی منقطع ہوگیا ہے۔
فلڈ کنٹرول سینٹر کا کہنا ہے کہ وادی چنالہ کا زمینی رابطہ بحال نہ ہونے کی وجہ سے علاقے میں خوراک کی قلت پیدا ہو گئی ہے۔
انتخابات میں ایک سے زائد ووٹ ڈالنے والوں کے خلاف کارروائی کا فیصلہ
انتہاپسندوں کیخلاف جو آواز بلند کرے گا اسے مار دیا جاتا ہے، این جی اوز
