کراچی (جیوڈیسک) کراچی محکمہ موسمیات نے پیش گوئی کی ہے کہ رمضان المبارک 29 دنوں کا ہوسکتا ہے۔ 8 اگست کو ملک بھر میں شوال کا چاند نظر آنے کا امکان ہے۔ محکمہ موسمیات کے مطابق شوال کا چاند 7 اگست کی صبح 2 بجکر 51 منٹ پر پیدا ہوگا جس کے بعد 8 اگست کی شام شوال کا چاند نظر آنے کا امکان ہے۔
تاہم ملک کے بیشتر علاقوں میں 8 اگست کی شام مطلع ابر آلود ہوگا۔ محکمہ موسمیات کے حکام کا کہنا ہے کہ نیا چاند نظرآنے کی عمر کم از کم 31 گھنٹے یا اسے زیادہ ہونی چاہیے۔ 8 اگست کی شام میں چاند کی عمر 40 گھنٹے سے زائد ہوگی۔ غروب آفتاب کے بعد چاند نظر آنے کا دورانیہ 41 منٹ ہونا چاہیے۔ 8 اگست کو ملک کے جنوبی علاقوں میں یہ دورانیہ اکتالیس منٹ سے زیادہ ہوگا۔
لاہور بورڈ نے لاہور بورڈ امتحانات کے نتائج کا اعلان کر دیا
گوجرانوالہ میں ٹرین کو حادثہ, 3 افراد جاں بحق, متعدد زخمی
