فیصل آباد (جیوڈیسک) حق نواز قتل کیس میں نامزد ندیم مغل کو رانا ثناء اللہ نے میڈیا کے سامنے پیش کر دیا۔
جلاؤ اور گھیراؤ کے واقعات سے لاتعلقی اختیار کرتے ہوئے انہوں نے کہا کہ جو کچھ بھی ہوا عمران خان اور شیخ رشید نے کروایا۔ فائرنگ کرنیوالا شخص اپنی تصویر نہیں جھٹلا سکے گا۔
تحریک انصاف بھی اسے جانتی ہے۔ ن لیگی رہنما نے کہا کہ عمران خان نے ہڑتال کروا کر جمہوریت ڈی ریل کرنے کی سازش کی۔ تحریک انصاف کا پلان سی یہی ہے کہ جہاں بھی جائیں ایک بندہ ضرور مروائیں گے۔ پی ٹی آئی چیئرمی تیسرے درجے کی زبان استعمال کرتے ہیں۔ دیکھا جائے فیصل آباد واقعہ کا فائدہ کس کو ہوا۔
رانا ثناء اللہ نے کہا کہ حکومت کی جانب سے معاملے کو تحمل سے سیٹل کرنے کی ہدایت تھی۔ عمران خان کو بھی تحفظ فراہم کیا گیا۔ کسی ن لیگی کارکن نے ڈنڈے نہیں چلائے۔ صرف للکار کے جواب میں نعرے لگائے تھے۔
