ممبئی (جیوڈیسک) بالی وڈ کے چاکلیٹی ہیرو رنبیر کپور نے شاہ رخ خان کے ساتھ پولیس کانسٹیبل بننے کی خواہش ظاہر کر دی۔
بھارتی میڈیا کے مطابق ایک ایوارڈ تقریب میں رنبیر کپور نے بتایا کہ چند سال قبل مجھے پولیس کانسٹیبل نے روکا اور آدھے گھنٹے کا درس دیا کہ میں کس طرح غلط فلمیں کر رہا ہوں اور اب مجھے پولیس آفیسر کے کردار پر مبنی فلم کرنی چاہیے جس کے بعد مجھے احساس ہوا کہ واقعی مجھے آج تک پولیس کے کردار پر فلم کی پیشکش نہیں ہوئی۔
رنبیر کی بات پر اُن کے ساتھ کھڑے شاہ رخ نے کہا کہ مجھے انڈسٹری میں 26 سال ہو گئے لیکن میں نے آج تک پولیس کا کردار ادا نہیں کیا اس لئے پہلے میں پولیس کا کردار ادا کروں گا اس کے بعد تم کرو گے۔ رنبیر نے شاہ رخ سے وعدہ کرتے ہوئے جواب دیا کہ جس فلم میں آپ پولیس آفیسر بنیں گے میں اس فلم میں آپ کا کانسٹیبل بنوں گا۔
مجھے ساتھی اداکارہ نے زہر دینے کی کوشش کی: ریما کا انکشاف
جب امیتابھ کو دیکھ کر ریکھا نے رخ بدل لیا
