کمالیہ (ڈاکٹر غلام مرتضی سے) پنجاب میں رینجرز کے لانے کا فیصلہ ایک اچھا اقدام ہے عوام لیگ رد الفساد آپریشن اور پنجاب بھر میں رینجرز کی مکمل حمایت کا اعلان کرتی ہے اور امید کرتے ہیں کہ رینجرز کے آنے سے دہشتگردی میں کافی حد تک کمی ہو گی ان خیالات کا اظہار ڈوثیرنل کوارڈینٹر ٹیچر ونگ چوہدری نذیر گجر اور ویسٹ پنجاب عوام لیگ کے صدر چوہدری غلام مرتضیٰ گجر نے اپنے مشترکہ بیان میں کہا انہوں نے کہا پاکستان کی مذہبی سیاسی ، سماجی جماعتوں کو اس آپریشن اور رینجرز کے پنجاب میں آنے کی مکمل حمایت کرنی چاہیے کیونکہ ہمارا ملک اس وقت دہشتگردی کی نظر ہے آئے روز کہ خود کش حملوں اور بم دھماکوں نے عوام کے دلوں میں خوف پیدا کر رکھا ہے اور لوگ اس خوف کی وجہ سے گھروں اور دوسرے شہروں میں بہت کم آتے جاتے ہیں اور اس خوف کو عوام کے دلوں میں صرف ہماری پاک فوج اور رینجرز ہی نکال سکتی ہے اور ملک میں امن و امان کی فضاء کو بر قرار رکھنے میں اہم قردار ادا کر سکتے ہیں لہٰذا ہم عوام لیگ کے پلیٹ فارم سے پنجاب بھر میں رینجرز کی تعیناتی کے فیصلے کی بھر پور طریقے سے حمایت کرتے ہیں اور توقع بھی رکھتے ہیں کہ اس اقدام سے ملک میں دہشت گردی کا خاتمہ ہو گا اور ملک سے دہشت گردوں کا بھی مکمل طور پر صفایا ہو جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کمالیہ (ڈاکٹر غلام مرتضی سے) کمالیہ صرافہ ایسویسی ایشن کاخادم اچانک وفات پاگیا ،سوگ میں کمالیہ صرافہ ایسویسی ایشن کی تمام دوکانیں بند نماز جنازہ میونسپل کمیٹی پارک کمالیہ میں ادا کی گئی جس میں صرافہ برادری کے تمام دوکانداروں نے شرکت کی ،نماز جنازہ کے بعد دوکانوں کو کھول دیا گیا ،تفصیل کے مطابق کمالیہ صرافہ ایسویسی ایشن کا خادم محمد ظفری منشی جو کہ گزشتہ روز اچانک حرکت قلب بند ہو جانے سے وفات پا گیا جس کی نماز جنازہ میونسپل کمیٹی کمالیہ میں ادا کی گئی جبکہ جنازہ سے پہلے کمالیہ صرافہ برادری کی تمام دوکانیں سوگ میں بند رہیں یہ بات قابل ذکر ہے کہ کمالیہ صرافہ ایسویسی ایشن کا خادم ( منشی) ظفری عرصہ دراز سے کمالیہ کے تما م صرافہ کی دوکانوں پر سونے کا بھائو اور ماہانہ چندہ دوکانداروں سے اکھٹا کیا کرتا تھا اس موقع پر صرافہ برادری کے صدر محمود علی جدران نے کہا کہ آج ہم سے ہمارا برخودار جدا ہو گیا وہ عرصہ دراز سے صرافہ برادری کی خدمت میں مصروف عمل تھا اسکی وفات پر صرافہ برادری کا یہ خلا کبھی بھی پُر نہیں ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کمالیہ (ڈاکٹر غلام مرتضی سے) لاہور میں ہونے والے دھماکے کی پر زور مذمت کرتے ہیں اور پاکستان کے حکمران اور سیکورٹی اداروں سے مطالبہ کرتے ہیں کہ دہشت گردوں کا لاہور سمیت ملک بھر سے صفایا کیا جائے یہ سب کچھ PSLکو ناکام بنانے کی کوشش کی جا رہی ہے ان خیالات کا اظہار مسلم لیگ (ن)( چوہدری اسد ارحمٰن گروپ) کے نو منتخب کونسلر بابا ابرار بٹ نے ہمارے نمائندہ سے خصوصی گفتگو کرتے ہوئے کہا انہوں نے کہا کہ لاہور میں یہ ہونے والا دوسرا دھماکا ہے جس میں کئی قیمتی جانیں بھی ضائع ہو چکی ہیں انہوں نے مزید کہا کہ لاہور پاکستان کا دل ہے اور دہشت گرد اتنی سخت سیکورٹی میں بارودی مواد کیسے لیکر داخل ہو جاتے ہیں مگر دہشت گردوں سے عوام ڈرنے والے نہیں اور دہشت گرد اپنے مذموم عزائم میں کبھی بھی کامیاب نہیں ہوں گے ۔لیکن یہ بات کنفرم ہے کہ دہشت گرد نہیں چاہتے کہ پاکستان میں PSlکا فائنل میچ ہو لہٰذا ہمارے سیکورٹی ادارے ان دہشت گردوں کو چُن چُن کر ان کا خاتمہ کریں اور ملک کو ان دہشت گردوں سے پاک کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کمالیہ ( ڈاکٹر غلام مرتضیٰ سے) ڈپٹی کمشنر ٹوبہ ٹیک سنگھ عامر اعجاز اکبر اور ڈسٹرکٹ اینڈ سیشن جج ٹوبہ ٹیک سنگھ محمد نواز کا تحصیل کورٹس کے سیکورٹی انتظامات کا معائنہ۔تفصیلات کے مطابق ڈپٹی کمشنر ٹوبہ ٹیک سنگھ عامر اعجاز اکبر اور ڈسٹرکٹ اینڈ سیشن جج ٹوبہ ٹیک سنگھ محمد نوازنے تحصیل کورٹس کا اچانک معائنہ کیا اور سیکورٹی انتظامات کا جائزہ لیا۔اس موقع پر ایڈیشنل سیشن جج محمد جمیل، چیف آفیسر رانا محمد نواز، صدر کمالیہ بار مہر یسین درسانہ و دیگر بھی ہمراہ تھے۔اس کے علاوہ کمالیہ بار کی طرف سے جوڈیشل کمپلیکس بنانے کی درخواست پر ڈپٹی کمشنر ٹوبہ ٹیک سنگھ عامر اعجاز اکبر اور ڈسٹرکٹ اینڈ سیشن جج ٹوبہ ٹیک سنگھ محمد نوازنے مل فتیانہ روڑ پر واقع سرکاری اراضی کا بھی معائنہ کیا۔
لیہ کی خبریں 24/2/2017
مومند ایجنسی میں معذور افراد کے علاج معالجے، ایجوکیشن اور سپورٹس سرگرمیوں کیلئے کوئی ادارہ نہیں ہے، محسن خان
