ممبئی (جیوڈیسک) نامور بالی ووڈ اداکار رنویر سنگھ نے مداحوں کے ساتھ اپنی سالگرہ کے موقع پراپنی فلم 83 کی پہلی جھلک شیئر کر دی۔
اداکار رنویر سنگھ آج 34 برس کے ہوگئے اوراپنی سالگرہ کے موقع پرانہوں نے اپنے چاہنے والوں کے ساتھ اپنی نئی فلم ’83‘ کی پہلی تصویرشیئرکی ہے، جس میں وہ ہوبہو سابق بھارتی کپتان کپل دیو کی کاربن کاپی لگ رہے ہیں۔ تصویر کے ساتھ رنویر نے پیغام دیتے ہوئے کہا کہ میری زندگی کے خاص دن پر میں پیش کرنا چاہتا ہوں ’’ہریانہ کا طوفان کپل دیو‘‘۔
واضح رہے کہ رنویرسنگھ فلم 83 میں کرکٹر کپل دیو کا کردار نبھا رہے ہیں جب کہ فلم کی کہانی 1983 میں بھارت کے پہلے کرکٹ ورلڈ کپ کی جیت کے گرد گھومتی ہے جس میں کپل دیونے بھارتی ٹیم کی قیادت کی تھی۔ 1983 میں ورلڈ کپ ٹرافی جیتنے کی وجہ سے فلم کا نام 83 رکھا گیا ہے۔
ہدایت کار کبیر سنگھ کی فلم میں دپیکا پڈوکون کپل دیو کی بیوی رومی دیو کا کردار نبھارہی ہیں، فلم اگلے سال 10 اپریل کو ریلیز کی جائے گی۔
مہوش حیات نے تیزی سے وائرل ہونیوالا ’بوتل کیپ چیلنج‘ قبول کر لیا
وزیر بننے کے بعد سنی دیول نے فلموں کا معاوضہ بھی بڑھا دیا
