راولپنڈی (جیوڈیسک) پاکستان کے صوبہ پنجاب کےشہر راولپنڈی میں حساس اداروں نے خفیہ اطلاع پر کارروائی کرتے ہوئے دو مشتبہ دہشت گردوں کو گرفتار کرنے کا دعویٰ کیا ہے۔ سیکیورٹی ذرائع کے مطابق یہ دہشت گرد یومِ عاشور کے جلوس کو نشانہ بنانا چاہتے تھے۔
دونوں مشتبہ افراد کو گرفتار کرکے کسی نامعلوم مقام پر منتقل کر دیا ہے۔ خیال رہے کہ یومِ عاشورہ کے موقع پر شہر میں سیکیورٹی کے انتہائی سخت انتظامات کیے گئے ہیں، جبکہ کسی بھی ناخوشگوار واقعہ سے نمٹنے کے لیے رینجرز اور ایف سی کے تقریباً سات ہزار اہلکار مختلف علاقوں میں تعینات کیے گئے ہیں۔
اس کے علاوہ جلوسوں کی فضائی نگرانی بھی کی جارہی ہے، جبکہ بم ڈسپوزل اسکواڈ کا عملہ بھی اپنی خدمات سرانجام دے رہا ہے۔ واضح رہے کہ گزشتہ سال دس محرم کو راوپنڈی کے راجہ بازار کے قریب ہونے والے تصادم اور فائرنگ سے کم سے کم گیارہ افراد ہلاک اور متعدد زخمی ہوگئے تھے۔
اس واقعہ کے بعد اس بار ضلعی انتظامیہ نے سیکیورٹی پلان میں تبدیلی کی ہے اور جلوس کے شرکاء کو بھی یہ ہدایات جاری کی گئی ہیں کہ وہ صرف اپنے روایتی راستوں کو اختیار کریں۔ گزشتہ سال دس محرم کو راولپنڈی میں راجہ بازار کے پاس ہونے والے تصادم، فائرنگ اور جلاؤ گھیراؤ میں گیارہ افراد ہلاک ہوئے تھے۔
لنڈی کوتل بازار میں دھماکا، سیکیورٹی اہلکار سمیت 2 افراد جاں بحق
قوم متحد ہوکرپاکستان کو تنگ نظری کاشکار بنانے والی قوتوں کا مقابلہ کرے، بلاول بھٹو زرداری
