راولاکوٹ (نمائندہ خصوصی) لائن آف کنٹرول پر بھارتی غاصبوں نے ظلم و بربریت برپا کر رکھی ہے گولی اس پار چلے یا اس پار نشانہ کشمیری بنتے ہیں عالمی برادری کنٹرول لائن کی صورت حال کا نوٹس لے دونوں ممالک مسئلہ کشمیر کو کشمیری عوام کی مرضی کے مطابق حل کریں کشمیر میں ہونے والے پراکسی وار کو ختم کیا جائے کشمیر کونسل وزارت امور کشمیر کو ختم کیا جائے لینٹ آفیسران کو واپس کیا جائے اسیران گلگت بلتستان کو رہا کیا جائے ایکٹ 74کو منسوخ کیا جائے ان خیالات کا اظہار جموں کشمیر نیشنل عوامی پارٹی اور جموں کشمیر نیشنل اسٹوڈنٹس کے زیر اہتمام سیز فائر لائن پر بھارتی آرمی کی طرف سے کشمیری عوام کے قتل عام کے خلاف احتجاجی مظاہرہ سے خطاب کرتے ہوئے مقررین نے کیا مظاہرین نے کالج گرائونڈ سے احتجاجی ریلی نکالی جو کچہری چوک پہنچ کر جلسہ کی شکل اختیار کر گئی احتجاجی ریلی کی قیادت جے کے نیپ کے مرکزی صدر لیاقت حیات خان اظہر کاشر ایس ایم ابراہیم ایڈووکیٹ و دیگر کر رہے تھے احتجاجی جلسہ سے خطاب کرتے ہوئے جے کے نیپ کے مرکزی صدر لیاقت حیات خان سنیئر نائب صدر اظہر کاشر جے کے ایل ایف کے رہنما ایس ایم ابراہیم ایڈووکیٹ این ایس ایف کے رہنما دائود کشمیری خضر اشرف ایڈووکیٹ لالا ظفر ڈاکٹر انور ذوالفقار عارف زاہد محمود توصیف نیاز مبشر خان شاہد شارف و دیگر نے خطاب کرتے ہوئے مزید کہا کہ دونوں ممالک کو چاہیے کے اپنی افواج کو کشمیر سے نکالیں اور لائن آف کنٹرول پر امن کا جھنڈا لہرایا جائے سیز فائر لائن پر فوری جنگ بندی کی جائے کشمیریوں کا قتل عام بند کیا جائے دونوں ممالک نے کنٹرول لائن پر محدود جنگ شروع کر رکھی ہے اور حکومت آزاد کشمیر ان بے بس اور مظلوم عوام کے لیے کچھ کرنے سے تو قاصر رہی بلکہ ان مظلوموں کا کوئی پرسان حال نہیں عوام قسم پرسی اور بے بسی کی زندگی گزارنے پر مجبور ہیں مقررین نے مزید کہا کہ غاصبانہ ادارہ کشمیر کونسل کو فوری ختم کیا جائے ایکٹ 74کا خاتمہ اور لینٹ آفیسران کو واپس کیا جائے اسیران گلگت بلتستان کو رہا کر کے ان کو اپنے فیصلے خود کرنے کا حق دیا جائے ایل او سی پر سفید جھنڈے لہرائے جائیں مظاہرین نے کتبے اور بینرز اٹھا رکھے تھے اور نعرے بازی کر رہے تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ راولاکوٹ(نمائندہ خصوصی) اے جی آفس کے ریٹائرڈ ملازم قاضی محمد صادق کی صاحبزادی کی شادی محکمہ سیاحت کے ملازم منصور صادق کے بھائی زین العابدین سے ہونا قرار پائی شادی کی تقریب مقامی ہوٹل میں منعقد ہوئی تقریب میں سیاسی سماجی علمی ادبی شخصیات وکلاء صحافیوں حاضر سروس و ریٹائرڈ ملازمین کے علاوہ عوام علاقہ نے کثیر تعداد میں شرکت کی مہمانوں کی تواضح پر تکلف کھانوں اور سویٹ ڈشز سے کیا گئی شرکا تقریب نے جوڑے کو نئی زندگی کی شروعات پر مبارکباد پیش کی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ راولاکوٹ(نمائندہ خصوصی) کاروبار سنت رسول ۖ ہے اگر کاروبار نیک نیتی سے کیا جائے تو اس میں بھلائی اور برکت ہے نبی پاک ۖنے خود تجارت کی کاروبار میں جائز منافع اور خدمت خلق کا عنصر لازمی ہونا چاہیے راولاکوٹ نالہ بازار کاروباری مرکز ہے راولاکوٹ کے عوام مہمان نواز ہیں اور باہر کے شہروں سے آنے والے لوگوں کے ساتھ انتہائی خوش اسلوبی سے پیش آتے ہیں ہوٹل اور ریسٹورینٹ کے چلانے والوں کو چاہیے کے وہ سیاحت کے لیے آنیوالے لوگوں کو سہولیات فراہم کریں اور انھیں رعائتی شرح پر بہترین کھانوں فراہمی اور صاف ستھری رہائش کی فراہمی کو یقینی بنایا جائے ان خیالات کا اظہار راولاکوٹ انجمن تاجران کے صدر اور آل آزاد کشمیر انجمن تاجران کے سپریم ہیڈ عبدالنعیم خان نے سنگولہ روڈ نالہ بازار میں مقامی ہوٹل کی افتتاحی تقریب سے خطاب کرتے ہوئے کیا تقریب میں تاجران و سیاسی سماجی شخصیات نے شرکت کی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ راولاکوٹ( نمائندہ خصوصی) پاک بھارت گولہ باری کے خلاف اور آزادی کشمیر اور سیز فائر لائن کی سول آبادی سے اظہار یکجہتی کے حق میں جے کے ایل ایف راولاکوٹ کے زیر اہتمام راولاکوٹ میں آزادی لانگ مارچ آزاد کشمیر کا قومی پرچم اور جے کے ایل ایف کے جھنڈے اٹھائے پونچھ سیکٹر میں سیز فائر لائن پرفائرنگ کے خلاف اور ایل او سی کی آبادی اور بھارتی مقبوضہ کشمیر کی عوام سے اظہار یکجہتی فوجی مظالم بند نہ ہونے اور کشمیریوں کو غیر مشروط حق خود ارادیت نہ ملنے کی صورت اگلے مرحلے میں سیز فائر لائن توڑنے کا اعلان راولاکوٹ شہر میں کارکنوں نے چیئرمین جے کے ایل ایف محمد صغیر خان کی قیادت میں شدید بارش میں پیدل احتجاجی مارچ کیا بعد ازاں کچہری چوک میں مقررین نے خطاب کیا اس موقع پر کہا گیا کہ بھارتی مقبوضہ کشمیر میں جاری حالیہ تحریک کا تقاضہ ہے کہ آزاد کشمیر سارا اس تحریک کی پشت پر ہو حالیہ تحریک میں نوے کی دھائی میں سب سے پہلے آزادکشمیر سے بشارت عباسی اورجمیل چوہدری نے جا کر اپنی جان قربان کی اسوقت بھی اس تحریک کو جان ہتھیلی پر رکھ کر ہی ہم وطن بھائی نہ صرف زندہ رکھے ہیں بلکہ بھارتی مظالم کو دنیا کے سامنے بے نقاب کر رہے ہیں اس موقع پر کہا گیا کہ لبریشن فرنٹ نے دنیابھر میں اپنے ملک کی آزادی کے لیے تحریکوں میں ہر اول دستہ کا کردار کیا آزادکشمیر کے کارکن بھی اشفاق مجید وانی،حمید شیخ،ڈاکٹر گورو،ادریس خان،شبیر صدیقی،بشارت رضا جیسے مقبوضہ کشمیر کے شہید قائدین کیطرح ہر قربانی کے لیے تیار ہیں اس موقع پر اعلان کیا گیا کہ راولاکوٹ میں آج ہم نے ا حتجاجی مارچ کیا بعد ازاں سیز فائر لائن کی طرف مارچ کریں گے جہاں احتجاجی دھرنا دیا جائے گا۔ ا گر دونوں فوجوں نے سیز فائر لائن پر گولہ باری بند کر کے دونوں اطراف کی سول آبادی کا قتل عام بند نہ کیا تو ہر دو اطراف کے حقیقی آزادی پسندوں کو لے کر اگلے مرحلے میں سیز فائر لائن توڑتے ہوئے دونوں اطراف کے کشمیری ایک دوسرے کے ساتھ آملیں گے مقررین نے نام نہاد لشکر جیش اور دیگر تنخواہ دار فسادیوں سے اپیل کی کہ وہ بارڈر کارروائیوں کے نام پر گناونا کھیل کھیل کر معصوم لوگوں کو جانی اور مالی نقصان نہ پہنچائیں اس موقع پر سول آبادی سے گھروں پر سفید جھنڈے لہرانے کی اپیل کی گئی اور سول آبادی کی طرف سے آباو اجداد کی زمینیں قبرستان اور گھر نہ چھوڑنے کے فیصلے کا خیر مقدم کیا گیا مقررین نے کشمیر کونسل کے خاتمے کے ساتھ ایکٹ 74کی منسوخی اور معائدہ کراچی کے خاتمے کا مطالبہ کرتے نام نہاد آزاد کشمیر اور گلگت بلتستان پر مشتمل 47کی آزاد انقلابی حکومت کی بحالی کا مطالبہ کیا اور اس راہ میں روڑے اٹکانے والے نام نہاد کشمیری سیاست کاروں کے خلاف بھرپور مزاحمتی کردار ادا کرنے کا اعلان بھی کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ راولاکوٹ(نمائندہ خصوصی) جموں کشمیر لبریشن فرنٹ خواتین ونگ نے ایک بھرپور جلسہ کیا جس کی مہمان خصوصی جے کے ایل ایف خواتین ونگ کی مرکزی رہنماء نصرت قریشی نے خصوصی خطاب کیا انھوں نے کہا کہ ایکٹ 74اور کشمیر کونسل کو ضم کیا جائے اور قوم پرستوں کو انتخابات میں حصہ لینے دیا جائے انھوں نے کہا کے آج جے کے ایل ایف کی قیادت پورے کشمیر میں تحریک کا کام کر رہی ہے اور دوسری طرف مسئلہ کشمیر کو روائتی لیڈر شپ نے ذاتی مقاصد کے لیے استعمال کرنا شروع کر رکھا ہے انھوں نے کہا کہ خواتین کا تحریک آزادی کشمیر میں کردار کے عنوان پر تفصیلی خطاب کرتے ہوئے کہا کہ آج خواتین کا رول واضح ہے وہ مردوں کے شانہ بشانہ کام کر رہی ہیں اور مقبوضہ کشمیر میں تحریک میں خواتین کا بڑا کردار ہے انھوں نے کہا کہ میں نے جاگو خواتین کے حوالہ سے ایک مہم کا بھی آغاز کیا ہوا ہے آخر میں قاہد تحریک امان اللہ خان،سردار رشید حسرت،سردار آفتاب خان مرحوم کی زندگی پر تفصیلی روشنی ڈالی اور یاسین ملک کی قیادت میں اپنا بھرپور کردار ادا کرنے کی یقین دہانی کروائی دیگر مقررین میں ڈاکٹر مدیحہ نذراقرا امتیاز و دیگر نے بھی خطاب کیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ راولاکوٹ( اسپورٹس نیوز ) ڈسٹرکٹ پریس کلب راولاکوٹ کا تہنیتی اجلاس راولاکوٹ سے تعلق رکھنے والے کرکٹر سلمان ارشاد کو پی ایس ایل کے پہلے میچ میں شاندار کارکردگی دکھانے پر خراج تحسین ڈسٹرکٹ پریس کلب راولاکوٹ کے کیمپ آفس میں ہنگامی اجلاس میں لاہور قلندر کے فاسٹ باولر سلمان ارشاد کو پہلے اوور کی پہلی گیند پر پاکستانی کرکٹ سٹار مصباح الحق کی وکٹ لینے اور پہلی شارٹ پر بیٹنگ کرتے ہوئے پہلا چھکا لگانے پر مبارک باد دیتے کہا کہ اس کارکردگی سے ساری کشمیری قوم کی عزت اور وقار بڑھا ہے اگر سلمان ارشاد کو مواقع دیے گئے تو وہ کرکٹ میں شعیب اختر بن کر سامنے آئے گا پریس کلب کے ممبران نے سلمان ارشاد کے والدین کو بھی اس کامیابی پر مبارک باد دی اجلاس سے قدیر خان ریاض شاہد نثار عادل اشفاق انجم غضنفر حنیف قیوم امام ساقی عامر جاوید منیر احمد قادری مسعود حنیف آصف اشرف نے خطاب کیا اور فیصلہ کیا کہ سلمان ارشاد کو راولاکوٹ آمد پر ڈسٹرکٹ پریس کلب دنیائے کرکٹ میں دبنگ انٹری پر خصوصی تقریب منعقد کر کے ایوارڈ سے نوازے گا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قوموں کی ترقی میں بنیادی کردار تعلیم کا ہے۔ سید شہزاد ہاشمی اسسٹنٹ ڈائریکٹر ایجوکیشن
مولانا آزاد اردو یونیورسٹی میں اعلی تعلیم کے مواقع استفادے کی ضرورت
