اسلام آباد (جیوڈیسک) وفاقی وزیر اطلاعات پرویز رشید نے کہا ہے کہ لاہور کے حلقہ این اے 122 میں دوبارہ گنتی سے عمران خان کی شکست ثبوت کے ساتھ ثابت ہو گئی ہے۔
وفاقی وزیر اطلاعات سینیٹر پرویز رشید نے کہا کہ عمران خان نے این اے 122 سے متعلق انتہائی غلط بیانی سے کام لیا جب کہ حقیقت یہ ہے کہ دوبارہ گنتی میں ان کی شکست ثبوت کے ساتھ ثابت ہوگئی ہے اور اب دوبارہ ہار کے بعد وہ اپنی خفت مٹانے کی کوشش کر رہے ہیں۔
انہوں نے کہا کہ تحریک انصاف کے مطالبے پر 4 حلقے کھلے اور اب ان چاروں حلقوں کی قلعی بھی کھل گئی ہے جس سے یہ بھی ثابت ہوا ہے کہ عوام نے مسلم لیگ (ن) کو ووٹ دیا لہٰذا اب قومی یکجہتی کے ماحول کو خراب کرنے کی کوششیں کی جارہی ہے جو سراسر غلط ہے۔
داعش پاکستان کے لئے حقیقی اور مسلسل بڑھتا ہوا خطرہ ہے، رپورٹ
لاہور: پاک بھارت دوستی بس سروس واہگہ بارڈر تک محدود
