حب (جیوڈیسک) حالیہ مون سون کی بارشوں کے بعد حب ڈیم میں پانی کی سطح 6 فٹ بلند ہو گئی ہے۔ ڈیم سے کراچی اور حب کو پانی کی فراہمی شروع کر دی گئی ہے۔ حب ڈیم میں چند دنوں پہلے تک پانی ڈیڈ لیول پر تھا۔
جس کی وجہ سے اپریل سے کراچی اور حب کو پانی کی سپلائی بند تھی۔ مگر حالیہ دنوں میں کیرتھر کے پہاڑی سلسلوں، اور خضدار کے گردونواح میں ہونے والی بارشوں کے بعد ندی نالوں کا پانی تیزی سے حب ڈیم کی طرف آرہاہے۔
حب ڈیم انتظامیہ کے مطابق ڈیم میں پانی کی سطح میں 6 فٹ بلند ہو گئی ہے۔ کراچی اور لسبیلہ کو پانی کی فراہمی شروع ہونے پر شہریوں نے خوشی کا اظہار کیا۔ حب ڈیم سے کراچی کے شہریوں کو روزانہ 10 کروڑ گیلن پانی فراہم کیا جاتا ہے جبکہ بلوچستان کی 21 ہزار ایکڑ زمین کو سیراب کرتا ہے۔
فیصل آباد سانحہ میں جاں بحق تمام افراد کی نماز جنازہ ادا کردی گئی
مستونگ میں بلوچستان کانسٹیلبری کی گاڑی پر حملے میں 2 اہلکار جاں بحق، 8 زخمی
