راولپنڈی (جیوڈیسک) اسلام آباد میں ایف ایٹ کچہری پر حملے کے بعد وکلاء کی جانب سے سوگ کے باعث رینٹل پاور کیس کی سماعت 24 مارچ تک ملتوی کر دی گئی۔
راولپنڈی کی احتساب عدالت کے جج محمد بشیر کی سربراہی میں رینٹل پاور کیس کی سماعت شروع ہوئی تو سابق وزیراعظم راجہ پرویز اشرف کے وکیل امجد اقبال قریشی کا کہنا تھا کہ ایف ایٹ کچہری پر حملے کے بعد اسلام آباد بار کونسل نے سوگ کا اعلان کر رکھا ہے لہذا وہ عدالت کے روبرو پیش نہیں ہو سکتے جس پر جج نے بغیر کسی کارروائی کے سماعت 24 مارچ تک ملتوی کر دی۔
واضح رہے کہ رینٹل پاور کیس میں سابق وزیراعظم راجہ پرویز اشرف پر 22 ارب روپے کی مبینہ کرپشن کا الزام ہے۔
حکومت عوام کو ریلیف دینے کیلئے ہر ممکن اقدامات کر رہی ہے،نواز شریف
طالبان کیخلاف رواں ماہ بڑے پیمانے پر آپریشن شروع ہو سکتا ہے، وزیردفاع خواجہ آصف
